Ռոբին Շարմայի գրքերն իրենց ուրույն տեղն ունեն ընկերությունների տնօրենների, քաղաքական առաջնորդների, հանրահայտ մարզիկների և աշխարհի ամենահայտնի մարդկանց սեղաններին:

Այդպիսի ճանաչումն իսկապես հիմնավորված է, քանի որ հեղինակն իր ստեղծագործություններում տալիս է իրակակն և գործող խորհուրդներ, որոնք կիրառելով՝ ընթերցողը կարող է փոփոխություններ մտցնել իր կյանքում:

Այս հոդվածում կգտնեք Ռոբին Շարմայի հիմնական գաղափարները:

Ո՞վ է Ռոբին Շարման

Ռոբին Շարման առաջնորդության, մոտիվացիայի և ինքնազարգացման տասնյակ գրքերի հեղինակ է, որոնք փոխել են աշխարհի հազարավոր մարդկան գիտակցությունն ու աշխարհընկալումը:

Մինչ գրող դառնալը՝ Ռոբինը հաջողակ իրավաբան էր խոշոր ընկերությունում: Հասկանալով, որ աշխատանքը իր երազանքների սահմանը չէ, նա թողեց այն ու սկսել գրել:

Այդպես լույս տեսավ նրա առաջին գիրքը՝ «Վանականը, որ վաճառեց իր Ֆեռարին», որը պատմում է հաջողակ փաստաբան Ջուլիան Մենթլի մասին, ում աշխարհայացքը կտրուկ փոխվեց հոգևոր անկումից հետո: Նա դժվարությունները հաղթահարեց հին ուսմունքների օգնությամ, որոնք նրան սովորեցրեցին ճիշտ օգտագործել ժամանակը, համակարգել ներքին աշխարհն ու փոխել վերաբերմունքը շրջակա աշխարհի նկատմամբ:

Այդ գրքից հետո Ռոբին Շարման գրեց տասնյակ այլ գրքեր, ինչպես «Ո՞վ կլացի, երբ դու մահանաս», «Առաջնորդ՝ առանց պաշտոնի» և այլն:

Ռոբին Շարմայի գլխավոր գաղափարները

Ի՞նչը Ռոբին Շարմայի ստեղծագործությունները դարձրեց այդքան հանրահայտ:

Նրա հաջողության գաղտնիքը պարզ է. նրա գրքերի հիմքում ընկած է անդադար ինքնագիտակցման և ինքնազարգացման գաղափարը: Չզարգացնելով գիտակցությունը, չսովորելով և կյանքով չուրախանալով՝ հնարավոր չէ հաշտ ապրել ինքդ քեզ հետ կամ շրջապատի հետ:

Սկսեք օրը լավից
Բոլոր հաջող մարդիկ ունեն առավոտյան սովորություններ: Նրանք սովորաբար շատ շուտ են արթնանում և զբաղվում այն գործերով, որոնք իրենց հաճույք են պատճառում:

Սովորեք կառավարել ժամանակը
Ժամանակը մարդու ամենաթանկ ռեսուրսն է: Դրա արժեքն այն վերականգնելու հնարավորության բացակայությունն է: Հենց այդ պատճառով շատ կարևոր է կարողանալ այն կառավարել:

Զգացեք կյանքի համը
Ռոբին Շարմայի հիմնական գաղափարներից մեկն այն է, որ մարդու հիմնական ողբերգությունը ոչ թե նրա մահկանացու լինելն է, այլ այն, որ շատ մարդիկ հոգեպես մահանում են դեռ կյանքի ընթացքում:

Կենտրոնացեք գլխավորի վրա
Ժամանակակից կյանքը մեզ հրամցնում է բազմաթիվ տեղեկատվական հոսքեր: Հարկավոր է զտել դրանք, հրաժարվել անկարևորներից և ընդունել միայն ամենակարևորները:

Եղեք իրական առաջնորդ
«Առաջնորդ՝ առանց պաշտոնի» գրքում Շարման խոսում է այն մասին, որ մեր ամենակարևոր ազատությունը՝ ազատությունն է լինելու այն, ինչ դու կաս: Այդ պատճառով յուրաքանչյուրը կարող է հաջողության հասնել:

Պահեք հավասարակշռությունը
Հաճախ զգացմունքները տիրում են մեր գիտակցությանը, ինչի պատճառով մենք կորցնում ենք հավասարակշռությունը: Բայց, մի անգամ կառավարելով զգամունքները, հնարավոր է խուսափել նման տհաճություններից:

Ապրել, ինչպես վերջին անգամ
Ի՞նչ կանեիք, եթե իմանայիք, որ այսօր Ձեր կյանքի վերջին օրն է: Ինչպե՞ս կանցակցնեիք այդ մի օրը: Արդյո՞ք կուրախանայիք Ձեր ապրած կյանքի համար, թե՞ ընդհակառակը՝ կտխրեիք:

Ուսումնասիրեք ինքներդ Ձեզ
Երբեք ուշ չէ փոխվել և կյանքը փոխել: Որպեսզի կյանքն անիմաստ չանցնի, հարկավոր է գտնել աշխատանք, որն իսկապես կսիրեք: Դրա համար նախ հարկավոր է հասկանալ՝ ինչ եք իսկապես ցանկանում:

Ռոբին Շարմայի գրքերը