Ջոան Ռոուլինգի հայտնի ստեղծագործության կերպարների անձնական կյանքը միշտ եղել է երկրպագուների ակտիվ քննարկման թեմա: Սիրային զույգերի ընտրության շուրջ ավելի թեժ վեճեր են գնում, քան Հոգվարթսի համար մարտերը: Տեսնենք՝ որ տարբերակներն են առավել տարածված:

Հերմիոնե և Դրակո

Սովորաբար երկրպագուների կողմից կազմված զույգերը համապատասխանում են Հարրի Փոթերի աշխարհի կանոնին: Բայց լավագույններից մեկն ընդհանրապես դուրս է այդ կանոնից: Խոսքն իհարկե Հերմիոնե-Դրակո զույգի մասին է: Շատերնին է դուր գալիս այն միտքը, որ երիտասարդ արիստոկրատի ատելությունը կիսարյունների հանդեպ վերածվում է թեժ սիրո:
Այդ դեպքում նաև կարող է որոշակի տրամաբանություն լինել: Ռոն-Հերմիոնե զույգին շատ երկրպագուներ հրաժարվում են ընդունել: Ասում են՝ ինչու է խելացի և յուրահատուկ աղջիկը ընտրում, մեղմ ասած, իրենից ոչինչ չներկայացնող տղայի: Այ իսկ Դրակոն… Այստեղ արդեն հետաքրքիր դրամատիզմ կա. նրանք ոխերիմ թշնամիներ էին, և ահա նրանց մեջ սեր է ծնվում: Եվ արտաքնապես այս զույգը բավական լավ է նայվում:

Հերմիոնե և Հարրի

Եվս մեկ շատ տարածված տարբերակ է Հերմիոնե և Հարրի զույգը: Այդքան փորձություններ անցան միասին, ինչպե՞ս կարող էր փոխադարձ համակրանք չառաջանալ: Կանոնի կողմնակիցները բացատրում են, որ դա նման կլիներ եղբոր և քրոջ սիրավեպի: Այդպիսի սկիզբը քիչ է բերում ռոմանտիկ հարաբերությունների:
Տարբերակի կողմնակիցները պնդում են, որ մոգական մենամարտերի և տանջանքների նկարագրությունը Ռոուլինգի մոտ ավելի լավ էր ստացվում, քան սիրային պատմությունները: Բայց չէ՞ որ հենց Հարրին մի անգամ ասաց, որ Հերմիոնե մազերը բուրում են ասես դդմի թխվածք. ահա և համակրանքի նշան: Հարկավոր էր դա զարգացնել: Եվ կրկին նույն միտքը. ինչու՞ է Հերմիոնե ընտրյալն այդքան անկարևոր մարդ, եթե կարող էր լինել Հարրին:

Հարրի և Ջիննի

Ի տարբերություն Ռոն-Հերմիոնե զույգի, որը քչերն են համակրում, Հարրի-Ջիննի կանոնային զույգն ունի բավական շատ երկրպագուներ: Նրանք փորձում են այս զույգի մասին հավելել այն ամենն, ինչ չի ասել հեղինակը: Դրանով նաև բացատրում են՝ ինչու է Հարրին ընտրել ոչ թե Հերմիոնեին, այլ Ջիննիին: Չէ՞ որ հենց սկզբից Հարրիի հարաբերությունները Ուիզլիների հետ շատ լավ էին: Դա էլ հիմք հանդիսացավ սիրային կապի:
Ասում են նաև, որ շատ տրամաբանական է նրանց կապը, քանի որ Հարրին երկրորդ գրքում փրկում է Ջիննիին: Տարիներին ընթացքում փոքրիկ Ջիննին վերածվում է ակտիվ և գեղեցիկ աղջնակի: Իհարկե, Ռոուլինգը կարող էր ավելի շատ նկարագրել նրանց հարաբերությունները: Իսկ ինչ վերաբերվում է մինչ այդ Հարրիի և Չժոուի հարաբերություններին, ապա Ռոմեոն էլ, մինչ Ջուլիետին հանդիպել, ինչ-որ Ռոզալինդայի էր սիրահարված:

Սնեյփ և Լիլի

Կա նաև տարբերակ, որը շատ լավ տեղավորվում է կանոնի և երկրպագուների երևակայության միջև: Խոսքը Սևերուս և Լիլի զույգի մասին է: Ըստ կանոնի՝ սկզբում նրանք մեծ հավանականություն ունեին միասին լինելու: Բայց հետո Ջեյմս Փոթերի և նրա ընկերների խուլիգանությունների պատճառով նրանք վիճեցին: Իսկ այն տարբերակը, որ Սևերուսը և Լիլին կրկին բարիշեին, շատ երկրպագուների սրտով է:
Հետո սյուժեն վիճելի է: Միգուցե Լիլին կրկին վիճում է Սևերուսի հետ, ամուսնանում Ջեյմսի հետ, ու ծնվում է Հարրին: Իմիջայլոց, իրականում ում որդին է Հարրին, այստեղ նույնպես հնարավոր են տարբերակներ: Միգուցե նրանք մինչև կյանքի վերջ միասին են եղել, բայց այդ դեպքում չէին լինի մեր սիրելի յոթ գրքերը:
Այս դեպքում կարծում ենք կանոնը լավագույն տարբերակն է՝ Սևերուսն ամբողջ կյանքի ընթացքում պահեց իր միակ սիրո հիշողությունը:

Ռիմուս և Թոնքս

Կանոնին համապատասխան զույգ, որին գրեթե բոլոր երկրպագուներն ընդունում են: Բոլորի կարծիքով նրանք իսկապես համապատասխանում են իրար: Անգամ նրանց բնավորություններն են համապատասխան: Յուրաքանչյուրն ունի հոգու վերքներ, բայց նրանք հասկանում են իրար: Նրանց ճակատագիրը ողբերգական է և, միևնույն ժամանակ, հերոսական: Նրանք զոհվում են Խավարի Լորդի հետ վճռական մարտում: Բայց նրանք աշխարհում թողնում են իրենց որդուն՝ Թեդդիին, ով դառնում է Հարրի Փոթերի հոգեզավակը: Դա նշանակում է, որ կյանքը շարունակվում է: