Ճիշտ ժամանակին կարդացած գիրքը կարող է մեծ ազդեցություն ունենալ մարդու կյանքի վրա: Եվ կան բազմաթիվ դրա օրինակներ: Շատ գրքեր փոխել են հայտնի մարդկանց կյանքեր, ովքեր էլ իրենց հերթին փոխել են գիտությունը, մշակույթն ու տնտեսությունը: Չէ՞ որ խոսքը մեծ ուժ է:

Գաբրիել Գարսիա Մարկես, Կաֆկայի «Կերպարանափոխությունը»

Կարդալով Կաֆկայի «Կերպարանափոխությունը»՝ Մարկեսը հասկացավ, որ անպայման պետք է գրող դառնա: Սովորաբար նա կարդում էր, որպեսզի քնի, բայց ոչ այս անգամ: Ստեղծագործությունն այնքան էլ զարմացրել նրան, որ ամբողջ գիշեր չքնեց, իսկ առավոտյան սկսեց գրել:

Կուրտ Քոբեյն, Պատրիկ Զյուսքինդի «Օծանելիքը»

Շատերն էին տպավորվել Զյուսքինդի «Օծանելիք» գրքից, բայց քչերը կարող էին ասել, որ իսկապես սիրում են այն: Քոբեյնն այն եզակիներից էր, որ միշտ գիրքն իր մոտ էր պահում և հաճախ վերընթերցում: Ցավոք, գիրքն այդքան էլ լավ ազդեցություն չունեցավ նրա վրա: Հարցազրույցի ժամանակ նա խոստովանեց, որ գիրքը ամեն անգամ ստիպում է իրեն վատ զգալ, բայց չի կարողանում վերջ տալ ընթերցանությանը:

Մարկ Ցուկերբերգ, Վերգիլիոսի «Էնեականը»

Ցուկերբերգը կարդացել է Վերգիլիոսի «Էնեականը», երբ դպրոցում ուսումնասիրում էր լատիներեն: Նա խոստովանել է, որ ամենաշատն իրեն դուր եկավ հերոսի նպատակասլացությունը դեպի «սահմաններ չճանաչող» քաղաքի ստեղծում: Դա դարձավ նրա համար կյանքի ուղի:

Մերիլին Մոնրո, Ջեյմ Ջոյսի «Ուլիսը»

Լուսանկարը, որում Մոնրոն կարդում է Ջոյսի «Ուլիսը» համարում են բոլոր ժամանակների սեքս-սիմվոլի ամենահետաքրքիր լուսանկարներից մեկը: Մոնրոն ասել է, որ այդ գիրքը պահում է իր մեքենայում և հաճախ կարդում է այն:
Լուսանկարն իսկապես իրարանցում առաջացրեց: Մարդիկ սկսեցին մտածել, որ Մոնրոն պարզապես հիմարիկ շիկահեր չէ: Ավելի ուշ պարզվեց՝ նա ունի բավական հարուստ գրադարան:

Էռնես Հեմինգուեյ, Տոլստոյի «Պատերազմ և Խաղաղությունը»

Հեմինգուեյը չափազանց շատ գրքեր է կարդացել, բայց նրա վրա հատկապես ազդել է Տոլստոյի «Պատերազմ և խաղաղությունը»: Ռուս ռեալիստը զարմացրել է Հեմինգուեյին իր անկեղծությամբ և սոցիալական թեմատիկան ներկայացնելու սրությամբ: