Գրքում զետեղված վիպակները կարծես հեղինակի «Սեր մի խաղա» վիպակների ժողովածուի օրգանական շարունակությունն են: Սա ընտանեկան ծանր մի դրամա է և ավարտվում է հերոսների ողբերգությամբ: Վիպակներն ունեն դաստիարակչական նշանակություն և հասցեագրված են, մասնավորապես երիտասարդությանը։
Հայաստանի պաշտպանության նախկին նախարար (2018թ. մայիս-2020թ. նոյեմբեր) և պաշտպանության նախարարի նախկին առաջին տեղակալ (2010թ. հոկտեմբեր-2017թ. փետրվար) Դավիթ Տոնոյանը մանրամասն անդրադառնում է կարևոր հարցերի, որոնց մասին նախկինում չէր խոսել: Դրանց թվում են զինվորականների և քաղաքական ղեկավարության հարաբերությունները տարբեր ժամանակաշրջաններում, զինված ուժերի դերակատարությունը Լեռնային Ղարաբաղի խնդրի խաղաղ կարգավորման գործընթացում, 2016թ. Ապրիլյան պատերազմը, 2018թ. իշխանափոխությունը, 2020 թվականի պատերազմը, 2021թ. սեպտեմբերից 2024թ. օգոստոս իր անազատության մեջ գտնվելը: Գրքի «Թղթապանակ» բաժնում ներկայացված բազմաթիվ փաստագրական նյութերն օգնում են ավելի լավ պատկերացում կազմել կարևոր իրադարձությունների և դրանց նախապատմության մասին:
Լոաինե Հովհաննիսյանի «Աշնան քսանչորսերորդ օրը» վեպն ամփոփում է վերջին տարիների ողբերգական իրադարձությունները: Պատմության հիմքում ծագումով Արցախից չորս սերնդի կանանց ճակատագրեր են, և մարջանագույն դարպասով պապենական տունը, որտեղ այդ կանանցից որևէ մեկը չի ապրել, և որն արդեն երևում է միայն Google Earth հավելվածով, դառնում է պատումի առանցքը: Սյուժեի հիմքում իրական դեպքեր են: Առաջին երեք կանանց կենսագրությունը հեղինակի մայրական կողմի ընտանիքի պատմությունն է, իսկ վերջին՝ մեր օրերի կնոջ կերպարը, իննսունականների երեք երիտասարդ կանանց հավաքական պատում է, որում հետք են թողել ԽՍՀՄ փլուզումը, Արցախյան առաջին պատերազմը, Քառօրյան, Քառասունչորսօրյան և Արցախի բռնազավթումը: Հեղինակը գրքի տեսքով կառուցում է իր հուշակոթողը, ինչպես իր ընտանիքի նախորդ կանայք...
«Մարգարտե ականջօղով աղջիկը» վեպը միայն մի դիմանկարի պատմություն չէ. այն պատմություն է նկարչի և նրա մուսայի մասին, նաև սիրո պատմություն է, որը ծավալվում է Հոլանդիայի Դելֆտ քաղաքում հեռավոր տասնյոթերորդ դարում։ Պատմական վեպը գրելու համար հեղինակը մանրակրկիտ ուսումնասիրել է նյութը, ինչի շնորհիվ ընթերցողը միանգամից ընկղմվում է վայրի և դարի մթնոլորտի մեջ։ Գիրքն ունի նաև էկրանավորում, որը 2004 թվականին երեք անգամ առաջադրվել է «Օսկար» մրցանակի։ Goodreads
Մինչև մոտավորապես մ. թ. ա. 11000 թվականը աշխարհի բոլոր ժողովուրդները զբաղվում էին որսորդությամբ ու հավաքչությամբ, սակայն շուտով տարբեր հասարակություններ սկսեցին տարբեր տեմպերով զարգանալ. Եվրասիայում, Ամերիկաների որոշ մասերում և Աֆրիկայում երկրագործությունը դարձավ գերակայող ապրելակերպ: Մննդարտադրության գործում մեկնարկային առավելություն ձեռք բերած մարդիկ բախվեցին անգրաճանաչ մշակույթների հետ` նվաճումների, տեղահանումների ու ցեղասպանությունների ճանապարհով ձևավորելով ժամանակակից աշխարհը: Բայց որտեղի՞ց առաջ եկան այդ հասարակությունների տարբերությունները: Ինչո՞ւ բնիկ ավստրալացիները, ամերիկացիները կամ աֆրիկացիները չգաղութացրին Եվրոպան: Փուլիցերյան մրցանակակիր «Հրազեն, մանրէներ և պողպատ» գիրքը գյուղատնտեսության, տեխնոլոգիաների, գրի, պետականության ու կրոնի զարգացման պատմությունն է անում` ներկայացնելով մարդկության պատմության մի տեսություն, որը նույնքան ուշագրավ է, որքան դինոզավրերի ու սառցադաշտերի պատմությունը: Goodreads
1995 թվականի մարտի 27-ին նորաձևության ոլորտում հայտնի Գուչչիների տոհմի ժառանգը՝ Մաուրիցիո Գուչչին, սպանվում է աշխատանքի գնալու ճանապարհին: Երկու տարի անց նրա նախկին կնոջը՝ Պատրիցիա Ռեջջանիին, որին մամուլը հռչակել էր «Սև այրի», ձերբակալում են Մաուրիցիոյի սպանության մեղադրանքով: Սառա Գեյ Ֆորդենը փորձում է պարզել՝ Պատրի՞ցիան է պատվիրել ամուսնու սպանությունը, թե՞ սխալմամբ է բանտում հայտնվել: Հեղինակը ամենայն մանրամասնությամբ շարադրում է նորաձևության տան վերելքի,վերահաս անկման և վերածննդի պատմությունը՝ շուքով, փայլով, ինտրիգներով ու ագահությամբ համեմված, և լրագրողական բծախնդրությամբ քննում է բարձր նորաձևության, մեծ փողերի և անձնական ողբերգության բոլոր նրբերանգները: Goodreads
Գրքում ընդգրկված են Հայաստանի քաղաքական կյանքի տարբեր բնագավառներին վերաբերող Արման Գրիգորյանի հոդվածներն ու հարցազրույցները: Մասնավորապես՝ դրանք վերաբերում են Արցախյան հակամարտությանը, հայ-թուրքական հարաբերություններին, Հայաստանում դեռ սաղմնային վիճակում գտնվող սոցիալ-տնտեսական գաղափարախոսությունների շուրջ տեղի ունեցող բանավեճերին, Հայաստանի արտաքին քաղաքական կողմնորոշմանը վերաբերող բանավեճերին, 44-օրյա պատերազմի ու այդ պատերազմում պարտության պատճառներին, և այլ հարակից հարցերի: Համարյա բոլոր նյութերի տրամաբանության հիմքում ընկած է գրքի վերնագրում արտացոլված այն պնդումը, որ Հայաստանում քաղաքական բանավեճերը չեն կարող սահմափակված լինել որպես ազգայնականների ու ազատականների տարաձայնություններ, ինչը հեղինակի պնդմամբ այդ բանավեճերի ստանդարտ ենթադրությունն է:
«Արուբանի աստվածուհու կնքամատանին» պատմական-արկածային վիպակ է, որի գործողությունները ծավալվում են Վանի թագավորության շրջանում։ Բազմաշերտ սյուժեն միավորում է արքունի ինտրիգ, սեր, հավատք ու դավադրություն՝ կենտրոնանալով սրբազան մատանու գողության և երիտասարդ սիրահարների փախուստի շուրջ։ Պերճախոս լեզվով ու պատմական ճշգրտությամբ հեղինակը վերակենդանացնում է Մուսասիրի տաճարի շուքն ու դարաշրջանի մթնոլորտը։ Վիպակը միաժամանակ խորհրդավոր, հուզիչ և թեթև հումորով հագեցած ընթերցանություն է։ «Հայրենի պատմություններ» խորագրով ներկայացվող պատմագեղարվեստական այս գրավիչ վիպակները՝ տոգորված հայրենասիրական շնչով, ընթերցողին կմոտեցնեն իր ազգային ինքնության ճանաչմանը, կհարստացնեն նրա գիտելիքները հայոց պատմությունից ու բանահյուսությունից, կծանոթացնեն բազմաթիվ հնաբանությունների ու տերմինների։
«Դա Վինչիի ծածկագիրը» Դեն Բրաունի վիպաշարի երրորդ վեպն է։ Այս անգամ ևս խորհրդանշանագետ հերոսը իր մասնագիտական ողջ ներուժը ներդնելու է՝ բացահայտելու Լուվրի խնամակալներից մեկի արտասովոր սպանությունը։ Վեպում, սյուժեի զարգացմանը զուգընթաց, ընթերցողը անընդհատ կտեղափոխվի անցյալ՝ ծանոթանալով Քրիստոսի կյանքի որոշ դրվագների և Դա Վինչիի ստեղծագործությունների՝ հեղինակի առաջարկած մեկնաբանմանը։ Goodreads
«ՄԵՐ ՀԱՅՐԵՐԻ ՄՈԽԻՐԸ. Լեռնային Ղարաբաղի անկման պատմությունը» գրքում Politico պարբերականի թղթակից Գաբրիել Գևինը ականատեսի աչքերով ներկայացնում է իրադարձությունները, որոնք ծավալվել են 2020 թվականի պատերազմից հետո մինչև 2023 թվականի սեպտեմբերի Արցախի հայաթափությունը: «Կարծում եմ, որ կարգավորման չհասնելը որոշ չափով պայմանավորված էր բավարար ուշադրության բացակայությամբ: Ես դառնորեն հիասթափվեցի 2023 թվականի սեպտեմբերին, երբ, չնայած նախազգուշացումներին, աշխարհը ոչինչ չարեց, երբ Լեռնային Ղարաբաղի ողջ բնակչությունը ստիպված լքեց իր տունը: Ինձ համար դա շատ դառը փորձ էր», – ասում է հեղինակը: Goodreads
Բոլորը գիտեն, որ Կլիմտը նկարում էր ճոխ, ոսկեզօծ նկարներ, բյուր հույզեր արտահայտող կանանց ու տղամարդկանց: Բայց նա չէր սիրում իր կամ իր արվեստի մասին խոսել, ուրեմն թույլ տանք, որ փոխարենը նրա կատուն խոսի և պատմի նրա պատմությունը…
Գիրքը ծրագրավորման հիմունքները Python լեզվի միջոցով սովորեցնելու ուղեցույց է՝ նախատեսված աշակերտների, ուսանողների, բոլոր նրանց համար, ովքեր ցանկանում են սովորել ինքնուրույն` առանց հավելյալ օժանդակության։ Կսովորեք ծրագրավորման ամենապարզ հասկացությունները, կսովորեք մտածել ինչպես ծրագրավորող՝ ինչպես մոտենալ հարցին և ինչպես լուծել խնդիրներ։ Կծանոթանաք տարբեր տիպի տվյալների, թե ինչպես են դրանք աշխատում և ինչպես են կապվում ֆունկցիաների (գործառույթների) հետ։ Կգրեք ձեր առաջին ծրագիրը, որից հետո կծանոթանաք Python-ի ստանդարտ գրադարանին, հիմնական սկզբունքներին, դասերին, օբյեկտներին, ժառանգականության գաղափարին։ Առաջադրանքների համար գիրքը չի առաջարկում լուծումներ, քանի որ չկա լուծման միակ ճիշտ տարբերակ։ Ցանկացած խնդիր, անկախ բարդությունից, կարող է ունենալ բազմաթիվ լուծումներ։ Դուք պետք է գրեք կոդեր, փորձարկեք դրանք և...
Կոմիտասի երգերի դաշնամուրային փոխադրումների այս ժողովածուն, նպատակ ունի հնարավորինս հավատարիմ կերպով փոխանցել հայ ժողովրդի հույզերի հոգևոր աշխարհը, որն արտասովոր ուժով մարմնավորվել է Կոմիտասի երաժշտության մեջ: Երաժշտի փոխադրությունները հենված են կոմպոզիտորի լադաինտոնացիոն համակարգի պահպանման սկզբունքի վրա՝ ապահովելու բնագրին համարժեք երաժշտական կերտվածքների վերարտադրություն։ Պիեսները բազմազան են և կարող են ընդգրկվել ինչպես ուսումնական, այնպես էլ համերգային ծրագրերում։
Նկարազարդ ձեռնարկը հասցեագրված է տարրական դպրոցի աշակերտներին, ուսուցիչներին, ինչպես նաև ծնողներին: Տարատեսակ առաջադրանքները կնպաստեն երեխայի բառապաշարի զարգացմանը, լեզվական գիտելիքների ձեռքբերմանը, ճիշտ և կապակցված գրավոր և բանավոր խոսք կառուցելուն։ Իսկ տրամաբանելու ու լավ տրամադրության համար նրանք կարող են ակտիվացնել QR կոդերը: Երաշխավորվել է Խ. Աբովյանի անվան ՀՊՄՀ սկզբնական կրթության ֆակուլտետի խորհրդի կողմից որպես ուսումնաօժանդակ ձեռնարկ:
Նկարազարդ ձեռնարկը հասցեագրված է տարրական դպրոցի աշակերտներին, ուսուցիչներին, ինչպես նաև ծնողներին: Տարատեսակ առաջադրանքները կնպաստեն երեխայի բառապաշարի զարգացմանը, լեզվական գիտելիքների ձեռքբերմանը, ճիշտ և կապակցված գրավոր և բանավոր խոսք կառուցելուն։ Իսկ տրամաբանելու ու լավ տրամադրության համար նրանք կարող են ակտիվացնել QR կոդերը: Երաշխավորվել է Խ. Աբովյանի անվան ՀՊՄՀ սկզբնական կրթության ֆակուլտետի խորհրդի կողմից որպես ուսումնաօժանդակ ձեռնարկ:
«Աննան Խշշացող բարդիներում» վեպը, որը լույս է տեսել 1936 թ., մեծ մասամբ գրված է նամականու տեսքով։ Այն կանադացի վիպասանուհի Լուսի Մոդ Մոնթգոմերիի կերտած գրական ինքնատիպ հերոսուհու՝ Աննա Շիրլիի կյանքի պատմությանը նվիրված չորրորդ գիրքն է։ Այդ կարմրահեր օրիորդը մեկ անգամ ևս գերում է իրեն շրջապատող մարդկանց սրտերը՝ դրսևորելով անօրինակ բարություն ու խորաթափանցություն։ Հայտնվելով կյանքի ավելի հասուն շրջափուլում, հանդիպելով նոր մարդկանց, բախվելով անգամ թշնամական վերաբերմունքի՝ Աննան կարողանում է գտնել շփման նոր եզրեր։ Աղջիկը շարունակում է սիրել իր միակ ընտրյալին, երազել սեփական տան մասին, բայց միաժամանակ պահպանում է հարազատ Կանաչ կտուրների հանդեպ քնքշագին զգացումները։ Goodreads
Ռեգինա Էզերայի «Լճի սոնատ» վեպը խորհրդանիշներով և հոգեբանական շերտերով հագեցած ստեղծագործություն է, որ բացահայտում է մարդու ներաշխարհի խորքերը, կյանքի ու հարաբերությունների բարդությունները: Հիմնական թեման են սերն ու մեղքի զգացումը, անձնական և հասարակական պատասխանատվության հակամարտությունը: Գործողությունները զարգանում են Լատվիայի հասարակ գյուղում, որտեղ գլխավոր հերոսուհին բախվում է իր զգացումնքների, հասարակության կարծիքի և ընտանեկան պարտավորությունների միջև ընտրության ծանրությանը: Վեպի ձգողության առանցքը ջրհորն է, որ արտացոլում է մարդու զգայությունների անորոշությունը և ներքին պայքարը: «Լճի սոնատն» առանձնանում է դրամատիզմով, հույզերի և մտորումների խաչաձևումով և բնության մոգական նկարագրությամբ, որը ոչ միայն համայնապատկեր է, այլև այլաբանական բանալի և պատմության զարգացման ակտիվ մասնակից: Էզերայի տեքստը անձնական և համամարդկային...
Հեքիաթի ժամն է: Չե՞ք ուզի մեր հերոսների հետ կարմիր հրթիռով տիեզերք վզզալ, կեղտոտ- կպրոտ բոբոների պես խոտերի մեջ թավալ տալ ու նոր զարմանալի ընկերներ ձեռք բերել: Ահա 5 պատմություն՝ իսկը երեք տարեկան փոքրիկներին կարդալու համար:
Եկե՛ք, հավաքվե՛ք, երկու տարեկան բալիկներ, տիտիկ արեք՝ հեքիաթ լսելու: Դուք էլ գազանների հետ անտառում կերուխում սարքեք, պանդաների հետ ծովում չոփչոփիկ արեք ու խաղալիքների հետ արկածներ փնտրեք:
Փիլիսոփայական-հրապարակախոսական շնչով գրված այս գիրքը, որտեղ վավերականությունն ու գեղարվեստականությունն ի մի են եկել, հենված է մեծ գրողի օրագրային նշումների վրա, որոնք արվել են 1918-20 թթ․ Մոսկվայում և Օդեսայում: Ռուսական հեղափոխությունը Բունինն ընկալում էր որպես ազգային աղետ և մռայլ վհատությամբ է նկարագրել երկրի համար ճակատագրական շրջանը: Առաջին անգամ գրքից հատվածներ են հրապարակվել 1925-27 թթ․ Փարիզում լույս տեսնող «Վոզռոժդենիե» թերթում, ապա «Նզովյալ օրերն» ընդգրկվել էԲունինի երկերի ժողովածուի մեջ (Բեռլին, 1935): ԽՍՀՄ-ում, գիրքն արգելված մնալով մինչև գորբաչովյան Վերակառուցումը, հատվածաբար հրատարակվել է միայն 1988-ին։ Խորհրդային երկրի փլուզումից հետո «Նզովյալ օրերը» մեծ ճանաչում է ստացել՝ ավելի քան 15 անգամ վերահրատարակվելով Ռուսաստանում: Goodreads
Հաքսլիի պատմվածքների թեման այս անկատար աշխարհն ու հասարակությունն են, թե՛ բարձրաշխարհիկ ու թե՛ հասարակ մարդիկ՝ իրենց թուլություններով ու թերություններով, երազանքներով ու հիասթափություններով, երջանկության անցողիկ պահերով ու տառապանքներով: Գրքում տեղ գտած պատմվածքները խիստ տարբերվում են թեմայով, ոճով, կերպարներով, սակայն ունեն մեկ ընդհանրություն. բոլորն էլ խորաթափանց են, նրբաոճ ու զգայացունց: Goodreads
Նարինե Աբգարյանի «Ապրել» գիրքը 31 պատմվածքների ժողովածու է։ Բերդ քաղաքի մարդկանց մասին է, ովքեր կրում էին Արցախյան առաջին պատերազմի զրկանքները։ Իրենց առօրյայով, ցավերով ու հույսերով ապրող տավուշեցիների պատմություններն են։ Գիրքը պատերազմից փրկվածների մասին է ու նրանց մասին, ովքեր դարձան այդ արհավիրքի զոհը։ Հեղինակն ասում է՝ պատերազմի մասին գրելը նշանակում է նայել մահվան աչքերի մեջ ու փորձել չփախցնել հայացքը։ Չէ՞ որ ինքդ քեզ կդավաճանես, եթե չկարողանաս ուղիղ նայել։ Կյանքը մահից արդար է․ սա է ճշմարտությունը։ Սրան պետք է հավատալ՝ ապրել կարողանալու համար։ Goodreads
Այս գիրքը Հայաստանի նորագույն պատմության անկյունաքարային դրվագների վերլուծությունն է պետություն-եկեղեցի-ազգ փոխգործակցության առանցքի տեսանկյունից: Գրքում մեկտեղված են հեղինակի զրույցները և հոդվածները պետության, ժողովրդի, Հայ Առաքելական եկեղեցու և առընթեր թեմաներով։ Գիրքը Հայաստանի առջև ծառացած հիմնախնդիրները լուծելու ուղեցույց է, ճանապարհ դեպի ավելի ամուր և հոգևոր արժեհամակարգով զինված Հայաստան: Հեղինակն այս աշխատությամբ ընթերցողին պատգամում է հանուն Հայաստանի հաղթահարել բոլոր խոչընդոտները, հիշեցնում, որ պայքարի առաջին քայլը հաղթելն է, ինքներս մեզ հաղթելը:
Հեղինակները վերլուծում են Հայաստանի անվտանգային մոդելների հիմնական թերությունները և խոցելի կողմերը, արձանագրում, որ եղած անվտանգային ճարտարապետությունը ձախողել է իր հիմնական առաքելությունը՝ պետության ռազմավարական շահերի պաշտպանությունը։Նրանք ընդգծում են, որ անհրաժեշտ է ստեղծել համապարփակ անվտանգության համակարգ (ՀԱՀ), որը պետք է ունենա ռազմական, ինստիտուցիոնալ, գաղափարական, տնտեսական, տեղեկատվական, քաղաքացիական և միջազգային բաղադրիչներ։ Ուժի տեսական հայեցակարգի և փոքր պետությունների փորձի քննադատական հետազոտության հիման վրա աշխատությունն առաջարկում է նորարար մոտեցում։ Այն միավորում է ազգային դիմակայունությունը, ռազմավարական կառավարումը և արտաքին քաղաքական հավասարակշռումը՝ երկարաժամկետ ինքնիշխանություն և կայունություն ապահովելու նպատակով։ ՀԱՀ կոնցեպտը փոփոխվող աշխարհում Հայաստանի տեղը և դերը վերաիմաստավորելու կոչ է։ Այն առաջարկում է դուրս գալ անցյալի խորհրդային հարացույցից...
