Վեպը պատմում է ստալինյան բռնաճնշումների հետևանքով տասնվեց տարուց ավելի աքսորավայրում անցկացրած Ժիրայր Գլենցի մասին, որը վերադառնալով աքսորից փորձում է նորից անցնել բնականոն կյանքի:
Մուրացան այսպես է բնութագրում իր վիպակը. «Ես գործելու մի ծրագիր եմ առաջարկում մեր երիտասարդներին ու երիտասարդուհիներին, որոնք պարծենում են դեպի հայրենիքն ունեցած սիրո ջերմությամբ»։ Մուրացանը իր հերոսների՝ Աննայի և Գարեգինի միջոցով ցույց է տալիս, որ հայ հասարակության առաջնահերթ խնդիրը կրթության ու լուսավորության խնդիրն է։ Անտեսելով միմյանց հանդեպ զգացմունքները՝ Մուրացանի հերոսները անձնվիրաբար նվիրվում են ազգային կրթության խնդիրներին։ Որքան էլ ողբերգական կարող ենք համարել Աննայի կերպարը, այնուամենայնիվ Մուրացանը ցույց է տալիս, թե ինչպես գավառական մի գյուղում կյանքը առաջադիմում է քույր Աննայի ներդրած ուսումնական ջանքերի շնորհիվ։ Goodreads
Մարկ Տվենի «Խորհրդավոր անծանոթը» վեպը խորաթափանց ուսումնասիրություն է մարդկային բնույթի և բարոյականության մասին: Գործողությունները տեղի են ունենում 16-րդ դարի վերջին՝ Ավստրիայի հեռավոր գյուղում, որտեղ մի խումբ երիտասարդ ընկերների կյանքը գլխիվայր շուռ է տալիս առեղծվածային, գերբնական ուժերով օժտված օտարականի հայտնությամբ: Այս խորհրդավոր կերպարը հարցականի տակ է դնում գյուղացիների արժեքները, հավատքը և բարոյական հիմքերը՝ բացահայտելով տագնապալի ճշմարտություններ մարդկային բնույթի և գոյության մասին: Իր վառ նկարագրությունների և փիլիսոփայական խորության շնորհիվ վեպը ուսումնասիրում է անմեղության, իշխանության և իրականության պատրանքի թեմաները: Goodreads
«Վերջին աշունը» Տիգրան Հայրապետյանի հրապարակախոսական ժառանգության հինգերորդ և վերջին հատորն է։ Այն ներառում է նրա խմբագրականները, կիսատ մնացած հոդվածները, հարցազրույցները, վերլուծություններն ու պատմվածքները, որոնք հրապարակվում են առաջին անգամ։ Վերնագիրը հղում է ДДT խմբի համանուն երգին, որը Տիգրան Հայրապետյանը շատ էր սիրում ու հաճախ էր հիշատակում իր հոդվածներում։ Նրա վերջին աշունը նշանավորվեց քաղաքական ակտիվությամբ, ընդդիմադիր ուժերի հետ աշխատանքով՝ հանուն ազատ ընտրությունների, սակայն նրա կյանքը դաժանորեն ընդհատվեց, նախքան իրականություն կդառնային նրա կանխատեսած վտանգավոր զարգացումները։
«Ցեղասպան պետության ակունքները» գրքում Թաներ Աքչամը քննադատում է Թուրքիայի Հանրապետության հարյուր տարվա պատմությունը և ընդգծում դրա կառուցվածքային խնդիրներն ու ժողովրդավարական արժեքների բացակայությունը։ Նա հարց է առաջադրում, թե ինչու հնարավոր չեղավ ստեղծել հավասարության վրա հիմնված հանրապետություն, ցույց է տալիս, որ երկրի հիմնադրման պաշտոնական պատմությունը խեղաթյուրված է և ծառայում է գոյություն ունեցող ռեժիմին։ Հեղինակը նշում է, որ Թուրքիայի պետական կառուցվածքը հիմնված է խտրականության, բռնության և ճնշումների վրա, ինչը հիշեցնում է «ապարտեիդի» համակարգի գործելաոճը։ Գիրքը հիմնված է պատմական փաստերի վերլուծության վրա, ուսումնասիրված են Հայոց ցեղասպանությունը, քրդերի և ազգային ու կրոնական այլ փոքրամասնությունների ճնշումները։ Աքչամն առաջարկում է պատմությունը վերաշարադրել նոր տեսանկյունից՝ ձերբազատվելով պետական քարոզչությունից։...
«Վիրավոր արծիվը. Լեռնային Ղարաբաղի (Արցախի) պատերազմը» երկլեզու (հայերեն-ֆրանսերեն) գրքում լուսանկարիչ և լրագրող Դեմիր Սյոնմեզը վավերագրել է Արցախի անկումը (2020-2023): Նա յուրովի է փոխանցում պատերազմի ողբերգական իրականությունը, մարդկանց պատմությունները և նրանց ոգին։ Լուսանկարներն ուղեկցվում են գրավոր նոթերով, որոնք ընթերցողին տեղափոխում են մարտի դաշտ, Ստեփանակերտի փողոցներ և ընկղմում պատերազմի մառախուղով պատված իրականություն։ Այս գիրքը փաստագրական արժեք ունի, հիշողության վկայություն է, հարգանքի տուրք՝ զոհվածներին և սթափության կոչ՝ համայն մարդկությանը։
Կարեն Բալյանի գիրքը նվիրված է 1960-70-ական թվականների ճարտարապետական գլուխգործոցին։ «Հրազդան» մարզադաշտի նախագծման և կառուցման պատմությունը ներկայացված է ազգային գիտակցության բարձրացմանդարաշրջանի՝ «հալոցքի» իրադարձությունների համատեքստում։«Հրազդան» մարզադաշտը 1970-1971 թվականներին կառուցվել է Հրազդան գետի գեղադիր լանջին, որից էլ ստացել է իր անունը։ «Գալուստ Գյուլբենկյան» հիմնադրամի ֆինանսական աջակցությամբ կառուցված մարզադաշտի բացումը տեղի է ունեցել 1971 թվականի մայիսի 19-ին։ ԽՍՀՄ խոշորագույն մարզադաշտերից մեկն էր։ «Հրազդան» մարզադաշտն այսօր դեռ կանգուն է և պահպանում է իր վեհությունն ու մոգական ձգողականությունը, սակայն չի շահագործվում ըստ նշանակության։ Նախատեսվում է քանդել այն։ Խորհրդահայ մոդեռնիզմի բազմաթիվ գլուխգործոցներ են քանդվել կամ այդ ճանապարհին են։ Երևանցիների հպարտության խորհրդանիշ «Հրազդանը» գուցե անէանա հենց մեր սերնդի...
«Բազմակի արդիականություններ» հասկացությունը թույլ է տալիս սոցիալիստական շինարարության խորհրդային փորձառությունը մեկնաբանել որպես արդիականության մի տեսակ: Գրքում փորձ չի արվում հիմնավորել «խորհրդահայ արդիականություն» հասկացության ճիշտ կամ սխալ, տեղին կամ անտեղի լինելը, այլ ընդունել արդիականությունը որպես տեսանկյուն, օգտագործել դրանով բացվող տարածությունը՝ դիտարկելու խորհրդահայությունը որպես արդիականության ինչ-որ եղանակի (թեկուզ ձախողված) առնչված հանրություն: Մի խումբ մշակութային տեքստերի քննարկումը թույլ է տալիս տարբեր կողմերից անդրադառնալ այդ հանրության արդիական չափումին, ինչպես նաև հետևել դրա տեղատվությանն ու փոխակերպումանը հետխորհրդային տարիներին:
Ժամանակակից գրականության ամենահեղինակավոր և սկանդալային դեմքերից մեկի` բրիտանացի գրող Սալման Ռուշդիի «Հաղթանակի քաղաքը» պատմական ֆանտազիա է, վեպ-առասպել, որը միջնադարյան Վիջանայագարա կայսրության ծագման, զարգացման, վերելքի և անկման իրական պատմությունն է` ներկայացված արևելյան հեքիաթի ոճով: Վեպի հերոսուհին` Պամպա Կամպանան, աստվածային շնորհ ստանալով կարողանում է սովորական սերմերից քաղաք աճեցնել` տներով, տաճարներով, դղյակներով ու բնակիչներով: Այնուհետև յուրաքանչյուր բնակչի ականջին շշնջում է քաղաքի` իր իսկ հորինած պատմությունը, որից հետո անհնար էր այդ մարդկանց համոզել, թե իրենց քաղաքն ընդամենը մի քանի օրվա և ոչ թե դարավոր պատմություն ուներ: Պամպան ցանկանում էր ստեղծել բազմակրոն, բազմամշակույթ քաղաք, որտեղ կծաղկեին կրթությունը, գիտությունները, արվեստները, որտեղ բոլոր ազգերը, ռասաները, կրոններն ու...
Միեկո Կավակամիի «Կրծքեր և ձվեր» վեպը ճապոնական ժամանակակից գրականության ուշագրավ ստեղծագործություններից է, որը խորապես ուսումնասիրում է կնոջ մարմնի, ինքնության և սեռականության հետ առնչվող հարցեր: Գլխավոր հերոսուհու և նրա քրոջ Մակիկոյի ու նրա դստեր՝ Միդորիկոյի օրագրի միջոցով հեղինակը քննարկում է հասարակության մեջ կանանց նկատմամբ վերաբերմունքի, սպասելիքների, գեղեցկության պարտադրվող չափանիշների, ինչպես նաև դեռահասության խնդիրների, գենդերային ինքնության, մայրության, ընտանեկան արժեքների ու անձնական ազատությանն առնչվող թեմաները: Goodreads
Ժխտողականություն, պետական խաբեություն, ճշմարտությունը ընդդեմ պատմության քաղաքականացման Երբ Թուրքիան պահանջեց չեղարկել բոլոր այն զեկույցները, որոնք վերաբերում էին Հայոց ցեղասպանությանը Իսրայելի՝ Հոլոքոստի և ցեղասպանությունների վերաբերյալ անցկացվող առաջին միջազգային գիտաժողովում, և արգելել հայ բանախոսների մասնակցությունը, Իսրայելի կառավարությունը չհակառակվեց այդ պահանջին։ Այս գիրքը է ներկայացնում հեղինակի համառ և համարձակ պայքարի մասին՝ սեփական կառավարության դեմ՝ ի պաշտպանություն խոսքի ազատության։ Հեղինակը ոչ միայն կարողանում է անցկացնել գիտաժողովը՝ հաղթահարելով գրաքննությունը, այլև ներկայացնում է մի իսկական քաղաքական դետեկտիվ՝ հիմնված Իսրայելի Արտաքին գործերի նախարարության նախկինում գաղտնի համարված փաստաթղթերի վրա։ Գիրքը խորությամբ ուսումնասիրում է նաև Իսրայելի՝ այլ ժողովուրդների ցեղասպանությունների հանդեպ հաճախ անարդար և ցավալի դիրքորոշումը։ Առանձին ուշադրության են արժանանում...
«Մեր վազքը» ժողովածուն Հրանտ Մաթևոսյանի առաջին գիրքն է՝ գրված պատանիների համար: Գրքում հեղինակը պատմում է ծնողների ու որդիների փոխհարաբերության, հասարակության առջև որդիների պարտականության մասին: Ժողովածուն ներառում է «Կանաչ դաշտը», «Հացը», «Վազքը», «Պատիժը», «Իմ գայլը» և «Բաց երկնքի տակ հին լեռներ» պատմվածքները: Goodreads
«Երազող կանայք» գրքում նկարագրված դեպքերը տեղի են ունենում Հնդկաստանի Թամիլ Նադու նահանգի մի փոքր գյուղում: Տղամարդկանց կողմից ու տղամարդկանց համար ստեղծված կրոնական հայրիշխանության պայմաններում կանայք փորձում են լսելի դարձնել իրենց ձայնը։ Սալման վարպետորեն ցույց է տալիս, թե ինչպես են այս կանայք նավարկում իրենց տխուր, դաժան իրականության պայմաններում և քայլ առ քայլ կոտրում իրենց վշտերի շղթան: Գրքում ներկայացված են իրականության մեջ կնոջ դերը խիստ սահմանափակող ավանդական մտածելակերպը պախարակող մոտեցումները։ Goodreads
Այս գործը բացահայտելու համար Մեգրեից պահանջվեց ավելի քան քսան տարի։ Նա գաղափար անգամ չունի, թե որտեղից է սկսելու հետաքննությունը, չունի գործողությունների նախապես մտածված ծրագիր։ Եթե անգամ ունենար, ժամեր անց ստիպված էր լինելու փոխել այն։ Հետաքննության յուրաքանչյուր փուլում նա մասնակցում է քաղաքի ակտիվ կյանքին. չի կարող նստել աշխատասենյակում և առանց մարդկային շփման կամ առօրյա անցուդարձին հետևելու՝ եզրահանգումներ անել։ Մարդիկ սովորություն ունեն նրան իր մեթոդների վերաբերյալ հարցեր ուղղելու։ Ոմանք նույնիսկ պնդում են, թե կարողանում են դրանք վերլուծել, իսկ Մեգրեն նրանց նայում էր ծաղրական զարմանքով, չէ՞ որ այդ մարդիկ «ավելին գիտեն», քան ինքը, որ շատ հաճախ հանպատրաստից է ենթադրություններ անում՝ վստահելով իր բնազդին։...
Կեսգիշերին Մեգրեն պատասխանում է մի երիտասարդ կնոջ հեռախոսազանգին, ու որոշ ժամանակ անց պարզվում է, որ մեղադրվում է այդ կնոջը բռնաբարելու մեջ: Կոմիսար Մեգրեին զրպարտել են, ըստ երևույթին, նրան արագ պաշտոնանկ անելու համար: Ո՞վ, ինչո՞ւ, ո՞ւմ հանգիստ չի տալիս կոմիսարը, որի թոշակի անցնելուն մնացել է ընդամենը երեք տարի: Չնայած իր ճանապարհին կանգնած բոլոր արգելքներին ու խոչընդոտներին՝ նա չի հանգստանա, քանի դեռ չի պարզել՝ ով է սկսել այդ կեղտոտ խաղը, չի հանգստանա, մինչև չմաքրի իր անունն ու չպարզի՝ ինչ է տեղի ունեցել այդ գիշեր: Բելգիացի գրող, հոգեբանական դետեկտիվ ժանրի աշխարհահռչակ ներկայացուցիչ Ժորժ Սիմենոնը 20-րդ դարի ամենաշատ ընթերցվող հեղինակներից մեկն է: Նա 43...
Փարիզյան մի գեղեցիկ ու արևաշող օր, երբ Մեգրեն երազում էր սպիտակ գինու և ոստրեների մասին, քաղաքամերձ փոքրիկ գյուղից մի ուսուցիչ մոտեցավ կոմիսարին՝ խնդրելով ապացուցել իր անմեղությունը: Սպանվել է տարեց կին՝ փոստի նախկին աշխատակցուհին, որին գյուղում ոչ ոք չէր սիրում, բայց բնակիչները ավելի լավ բան չէին կարողացել մտածել, քան մեղադրել եկվոր ուսուցչին, որի ընտանիքը չէր մերվել իրենց հետ: Խոսքը ոչ միայն երեխաների, այլև մեծահասակների մասին է: Շատ արագ պարզվում է, որ մեծ մասը հստակ, թե ով է մարդասպանը, բայց շարունակում է համառել, և եթե չխանգարեն էլ հետաքննությանը, օգնություն չեն ցուցաբերում ու թաքցնում են մի շարք կաևոր փաստեր: Գյուղացիները բնակիչներին բաժանել են...
Ձեռնարկը նախատեսված է ամառային ընթերցանության համար: 25 տարբեր հեղինակների 25 գեղեցիկ ստեղծագործություններն ընտրված են այնպես, որ իրենց հետաքրքրությունները բավարարելու և կարդալու կարողությունը զարգացնելու հնարավորություն ունենան շատ 4-րդ դասարանցիներ: Ձեռնարկը ընտրություն է բազմաթիվ գրքերի մեջ, իսկ ընթերցողը ազատ է իր ընտրության մեջ…
Ձեռնարկը նախատեսված է ամառային ընթերցանության համար: 25 տարբեր հեղինակների 35 գեղեցիկ ստեղծագործություններն ընտրված են այնպես, որ իրենց հետաքրքրությունները բավարարելու և կարդալու կարողությունը զարգացնելու հնարավորություն ունենան շատ 3-րդ դասարանցիներ: Ձեռնարկը ընտրություն է բազմաթիվ գրքերի մեջ, իսկ ընթերցողը ազատ է իր ընտրության մեջ…
Մտածելակերպի զորությունը․ ահա, թե ինչ պարզ, բայց հեղափոխական գաղափար է բացահայտված այս գրքում, որը մարդկային գործունեության գրեթե բոլոր ոլորտներում պայմանավորում է հաջողության հասնելը։ Գիրքն օգնության կհասնի Ձեր բիզնեսում, անձնային հարաբերություններում, նույնիսկ դպրոցում և ծնողավարության մեջ առաջացած խնդիրներում։ Goodreads
«Անպարտելի թիմերը» վկայում է, որ ճիշտ ղեկավարման պայմաններում սովորական մարդիկ կարող են հասնել արտակարգ արդյունքների: Հենվելով բիզնեսի և ռազմական ոլորտներում գրանցված բացառիկ հաջողությունների վրա՝ Միլսը բացահայտում է անհնարինը հնարավոր դարձնող թիմերի կառուցման գաղտնիքները: Կարդացեք այս գիրքը և առաջնորդեք ձեր թիմին անելանելիությունից դեպի անսահման հնարավորություններ: Goodreads
Հայերն ունեն մի ասացվածք. «Մեկ օրն օտարության մեջ մեկ տարվա է հավասար»։ Քառասուն օր Անդրաշխարհում՝ երկրային կյանքի քառասուն տարի… Այս հեքիաթ-վիպակը հրաշալի մի պատմություն է այն մասին, թե ինչ մեծ գին է պատրաստ վճարելու մարդը սիրո, երջանկության համար: Ամեն մարդ չէ, որ ի զորու է անցնելու ցավի, վախի, գայթակղության և ժամանակի փորձության միջով։ Ամեն մարդ չէ, որ պատրաստ է հանուն սիրելիի կտրել անցնելու Մահվան Ստվերի Հովիտը, Տառապանքի Բլուրները, Մենության Ավազները, Լացի Կիրճը, Դառը Հոգոցների Անապատը և Տրտմության Գետը։ Միայն անկեղծ և անձնուրաց սիրտն է ի զորու նման սխրանքի։
Բենգալիայի սքանչելի մարգարիտը հափշտակվել է Կալի աստվածուհու տաճարից, իսկ անգին գանձի պահապանն ասես անհետացել է անէության մեջ։ Միստերի զարմիկները հավաքում են ճամպրուկներն ու նստում Հնդկաստան ուղևորվող առաջին ինքնաթիռը։ Այնտեղ նրանց սպասում են հախուռն բնավորությամբ հորեղբայր Ռայմոնդը և հանդիպումներ օձերի ու վագրերի հետ… Goodreads
Տրավման արմատապես փոխում է մարդու ուղեղի կառուցվածքը, խախտում նյարդային համակարգի նուրբ հավասարակշռությունը և մարմնի ֆիզիոլոգիական ռեակցիաները։ Համաշխարհային ճանաչում ունեցող հոգեբույժ Բեսելվան դեր Կոլկն իր բեսթսելլեր աշխատությունում բացատրում է, թե ինչու չեն մոռացվում ցավալի հիշողությունները, ինչպես են դրանք դրսևորվում ֆիզիկական և հուզական խնդիրների տեսքով, և ինչպես կարելի է հաղթահարել դրանց հետևանքները։ Հեղինակն իրական պատմությունների և գիտական հետազոտությունների միջոցով ներկայացնում է նորարար թերապևտիկ մոտեցումներ, որոնք յուրաքանչյուր ընթերցողի կօգնեն վերականգնել հոգեկան ու ֆիզիկական հավասարակշռությունը։ Goodreads
