Մեգրեի համբերությունը | Ժորժ Սիմենոն

Այս գործը բացահայտելու համար Մեգրեից պահանջվեց ավելի քան քսան տարի։ Նա գաղափար անգամ չունի, թե որտեղից է սկսելու հետաքննությունը, չունի գործողությունների նախապես մտածված ծրագիր։ Եթե անգամ ունենար, ժամեր անց ստիպված էր լինելու փոխել այն։ Հետաքննության յուրաքանչյուր փուլում նա մասնակցում է քաղաքի ակտիվ կյանքին. չի կարող նստել աշխատասենյակում և առանց մարդկային շփման կամ առօրյա անցուդարձին հետևելու՝ եզրահանգումներ անել։
Մարդիկ սովորություն ունեն նրան իր մեթոդների վերաբերյալ հարցեր ուղղելու։ Ոմանք նույնիսկ պնդում են, թե կարողանում են դրանք վերլուծել, իսկ Մեգրեն նրանց նայում էր ծաղրական զարմանքով, չէ՞ որ այդ մարդիկ «ավելին գիտեն», քան ինքը, որ շատ հաճախ հանպատրաստից է ենթադրություններ անում՝ վստահելով իր բնազդին։