Խոսող ձուկը․ գիրք-փազլ

«Խոսող ձուկը» գիրք-փազլը զարգացնող ինտերակտիվ խաղ-գիրք է, որը միավորում է հեքիաթի ընթերցումը և փազլի խաղային փորձառությունը։ Այն նախատեսված է 2 տարեկանից բարձր երեխաների համար և նպաստում է երեխայի համակողմանի զարգացմանը՝ խաղի և շփման միջոցով։

Գիրք-փազլը օգնում է հարստացնել բառապաշարը, զարգացնել կապակցված խոսքը, հիշողությունը, ուշադրությունը և ճանաչողությունը։ Փազլի տարրերը խթանում են մանր մոտորիկայի զարգացումը, իսկ պատմության բովանդակությունն ու հերոսների վարքագծի քննարկումը նպաստում են տրամաբանական և պատկերավոր մտածողության ձևավորմանը։

«Խոսող ձուկը» գիրք-փազլը խթանում է նաև երեխայի երևակայությունը, շփման հմտությունները, հուզական ոլորտի զարգացումը և ապրումակցելու ունակությունը։ Համատեղ ընթերցման և խաղի գործընթացը ամրապնդում է ծնող–երեխա հուզական կապը, ստեղծելով վստահության և մտերմության միջավայր։

Գիրք-փազլը կարելի է օգտագործել տարբեր ձևերով․

• հեքիաթը ընթերցել բեմական առոգանությամբ,

• առաջարկել երեխային ընտրել հերոս և խաղալ նրա դերը,

• միասին նկարել և քննարկել հերոսներին,

• հեքիաթը կիսատ թողնել և առաջարկել երեխային ավարտել այն սեփական երևակայությամբ,

• ընթերցումից հետո խնդրել վերարտադրել պատմությունը և քննարկել հերոսների զգացմունքներն ու ընտրությունները։

«Խոսող ձուկը» գիրք-փազլը ոչ միայն զարգացնող խաղ է, այլ նաև արդյունավետ միջոց՝ երեխայի ճաշակն ու նախասիրությունները ձևավորելու համար։