4 երկրաչափական պատկեր

Խաղը ներկայացնում է չորս երկրաչափական պատկեր՝ յուրաքանչյուրը՝ չորս տարբեր գույնի։ Պատկերները տեղադրվում են հարթակի համապատասխան սյուներին։

• Համադրեք տարբեր պատկերները և ստացեք Ձեր ցանկացած «կառույցը», օրինակ՝ տուն։
• Ընտրեք պատկերներից մեկը։ Երեխայի հետ հաշվեք անցքերը, ուղղորդեք գտնել տեղադրման դաշտը և համապատասխան թվով սյուները։
• Երեխային ցույց տվեք պատկերներից մեկը՝ նշելով գույնը։ Ապա խնդրեք գտնել նույն գույնի մյուս պատկերները։ Դա կնպաստի գունաճանաչությանը և խմբավորելու հմտությանը։
• Այնուհետև կարող եք հաշվել, թե այդ գույնի քանի պատկեր կա։ Դա կնպաստի պարզ թվաբանական հմտությունների զարգացմանը։
• Բոլոր պատկերներն անկանոն շարեք սեղանին և երեխային խնդրեք խմբավորել ըստ ձևի։ Դա կնպաստի ուշադրության և մտածողության զարգացմանը։
• Երեխային խնդրեք գտնել և տալ Ձեր ուզած գույնի պատկերը, օրինակ՝ կապույտ շրջանը։
• Այնուհետև բարդացրեք առաջադրանքը՝ խնդրելով գտնել տարբեր գույների մի քանի պատկեր, օրինակ՝ կապույտ շրջանը, վարդագույն կամ կարմիր քառակուսիները։