Հանրահայտ գրող, նոբելյան մրցանակակիր Ռեդյարդ Քիփլինգը, ում անվանում էին «Նոր Չարլզ Դիքենս», հիացրել է հանրությանը դեռ վաղ շրջանի պատմվածքներով ու բանաստեղծություններով: Ժամանակի ընթացքում նրա փառքը շատանում էր, իսկ ազդեցությունը՝ մեծանում:

Ծնվել է Հնդկաստանում ու շրջել աշխարհով մեկ

Քիփլինգը ծնվել է 1865 թվականին հնդկական Բոմբեյում, որն այդ ժամանակ պատկանում էր Մեծ Բրիտանիային: Վեց տարեկանում ծնողները երեխային ուղարկեցին Պորտսմուտի մասնավոր դպրոց, իսկ տասներկու տարեկանում նա ընդունվեց Դևոնյան ռազմական ուսումնարան: Կարճատեսության պատճառով Քիփլինգն այդպես էլ չդարձավ սպա, բայց ուսումնարանի տնօրենը հասկացել էր, որ գործ ունի տաղանդավոր պատանու հետ:

Վերադառնալով Բոմբեյ՝ Քիփլինգը դառնում է «Քաղաքացիական և ռազմական թերթի» թղթակից: Որպես լրագրող՝ Քիփլինգը եղել է Ասիայում, Աֆրիկայում և Հյուսիսային Ամերիկայում: Արդեն հասուն տարիքում նա եղել էր Եվրոպայի երկրների մեծամասնությունում: Գրողը գրեթե ամբողջ կյանքն ապրել է Մեծ Բրիտանիայում և ԱՄՆ-ում, բայց միշտ Հնդկաստանն է համարել իր հայրենիքը:

Դարձել է ամենաերիտասարդ նոբելյան մրցանակակիրը

Ընթերցողները շատ լավ ընդունեցին երիտասարդ լրագրողին, ով գրում էր նաև գեղարվեստական արձակ ու պոեզիա: 1890 թվականին լույս տեսավ Քիփլինգի «Լույս մարեց» վեպը, իսկ չորս տարի անց՝ լեգենդար «Ջունգլիների գիրքը»: 1899 թվականին, մի քանի ամիս Հարավային Աֆրիկայում ապրելուց հետո, լույս ընծայեց «Քիմ» գիրքը: Հենց այնտեղ գրողը սկսեց նյութեր հավաքել նոր մանկական գրքի համար: «Պամտվածքներ հենց այնպես» գիրքը լույս տեսավ 1902 թվականին, իսկ հինգ տարի անց Քիփթինգը ստացավ նոբելյան մրցանակ «ուշադրության, վառ երևակայության, մտքերի հասունության և պատմողի յուրահատու տաղանդի» համար: Գրողն այդ պահին ընդամենը 41 տարեկան էր: Նա դարձավ ոչ միայն ամենաերիտասարդ, այլ նաև առաջին անգլիացի նոբելյան մրցանակակիրը:

Սվաստիկան՝ որպես լոգոտիպ

Տարօրինակ նշանը (սվաստիկա և իջեցված կնճիթով փիղ) գրողի համար ստեղծել է հայրը, և Քիփլինգը այն շուրջ 40 տարի դնում էր իր գրքերի վրա: Մինչ այն օրը, երբ Գերմանիայում իշխանության եկան ազգայնական-սոցիալիստները: Քիփլինգը այդ ժամանակ հրաժարվեց իր լոգոտիպից:

Հպարտանում էր մասոնական օթյակի անդամակցությամբ

Այստեղ նույնպես Քիփլինգն ամենաերիտասարդն էր: Նրա անդամակցությունը տեղի ունեցավ քսան ու կես տարեկանում (թույլատրելի ամենացածր շեմը 21 տարեկանն էր): Նրա մասոնականությունը գաղտնիք չէր: The Times ամսագրում նա պատմում է իր փորձի մասին.

«Ես մի քանի տարի եղել եմ օթյակի քարտուղար: Դրանում ներգրավված էին ամենաքիչը չորս հավատի եղբայրներ: Ես անդամակցել եմ Բրախմո Սոմաջի աշակերտությամբ, ով հինդուիստ էր, որակավորում եմ ստացել մուսուլմանի կողմից և մագիստրոսի աստիճան եմ ստացել անգլիացու կողմից:

Գրողը մեծ պաշտոններ էլ զբաղեցրել Հնդկաստանի, Մեծ Բրիտանիայի, ԱՄՆ-ի և Հարավայի Աֆրիկայի օթյակներում:

Կորցրել է երկու երեխաներին

Քիփլինգը շատ ստեղծագործություններ գրել է սեփական երեխաների համար: Բայց նրա երեք երեխաներից մեծ տարիքի է հասել միայն դուստր Էլսին: