Սույն գիրքը կօգնի հարստացնելու հայ մանուկների կրթության գործում ուսանողների գիտելիքներն ու կարողությունները: Ձեռնարկում ներկայացված են ոչ միայն գրաճանաչության և կարդալու, գրագետ խոսք կառուցելու (բանավոր և գրավոր) կարողությունների ձևավորման մեթոդները, այլև հայոց լեզվի քերականության տարրական ուսուցման մեթոդիկան: Նախատեսված է մանկավարժական բուհերի` տարրական դպրոցի ուսուցիչներ պատրաստող բաժինների ուսանողների, տարրական դասարանների ուսուցիչների, ինչպես նաև կրտսեր դպրոցականների կրթադաստիարակչական հիմնախնդիրներով զբաղվող մասնագետների համար:
Սույն ուսումնական ձեռնարկը նախատեսված է մանկավարժական բուհերի՝ տարրական դպրոցի ուսուցիչներ պատրաստող բաժինների ուսանողների, տարրական դասարանների ուսուցիչների, ինչպես նաև կրտսեր դպրոցականների կրթադաստիարակչական հիմնախնդիրներով զբաղվող մասնագետների համար: Ձեռնարկից կարող են օգտվել նաև V-VI դասարաններում «Մայերենի» առարկան դասավանդող ուսուցիչները, քանի որ կրթության այս օղակում ևս մայրենիի դասը համակցված է և կազմակերպվում է բացառապես ընթերցանության մեթոդով:
Ձեռնարկը նախատեսված է առաջին կուրսի ուսանողների համար, պարունակում է ժամանակակից հայոց լեզվի դասընթացի երեք բաժին՝ հնչյունաբանություն, ուղղախոսություն, ուղղագրություն, որոնք գործնական կարեւոր նշանակություն ունեն:
Թելադրության նյութերի սույն ժողովածուն նախատեսված է ուսումնական տարբեր հաստատություններում (բուհերում, ուսումնարաններում, ավագ դպրոցում) հայերենի ուղղագրության ու կետադրության գործնական իմացության մակարդակի ընթացիկ ու ամփոփիչ ստուգումների համար: Լեզվական զուգաձևությունների հաշվառման և սխալների հաշվարկի վերաբերյալ ցուցումների շնորհիվ գիրքը օգտակար կարող է լինել ուսուցիչներին և դասախոսներին: Ժողովածուն հարմար ձեռնարկ է նաև իրենց գրագիտությունը ինքնուրույն կերպով անհրաժեշտ մակարդակի բարձրացնել ցանկացողների համար:
Ձեռնարկում զետեղված նյութերը դասակարգված են պարզից բարդ սկզբունքով և հիմնականում ընդգրկում են ծրագրային թեմաների, ինչպես նաև տնային ընթերցանության բառապաշարը: Գրքում կան հավելվածներ, որտեղ ներկայացված են միևնույն բառի գրության բրիտանական և ամերիկյան տարբերակները, համր բաղաձայն պարունակող բառերը, ինչպես նաև երկու զուգահեռ ձև ունեցող անկանոն բայերը: Ձեռնարկը նախատեսված է անգլիական բանասիրության և անգլերենը որպես երկրորդ օտար լեզու ուսումնասիրող ուսանողների համար:
Դասագիրքը նախատեսված է լեզվական և մանկավարժական բուհերի ուսանողների համար, կարող է օգտակար լինել հանրակրթական դպրոցների անգլերենի ուսուցիչներին և մեթոդիստներին: Այն տրամադրում է անգլերենի դասավանդման ռազմավարությունների օրինակներ, բացատրություններ և առաջարկներ, որոնք համապատասխանում են հաստատված տեսական սկզբունքներին և որոնք արդյունավետ են, գործնական և իրատեսական: Գրքում զետեղված գործնական առաջադրանքները ևս, ծանոթացնում են անգլերեն լեզվի դասավանդման տեսական և մեթոդական սկզբունքներին:
Ձեռնարկը հասցեագրված է 2–4–րդ դասարաններում դասավանդող ուսուցիչներին, բարձրագույն ուսումնական հաստատություններում սովորող ուսանողներին, ինչպես նաև ծնողներին:
Սույն ուսումնական ձեռնարկը նախատեսված է մանկավարժական բուհերի՝ տարրական դպրոցի ուսուցիչներ պատրաստող բաժինների ուսանողների, տարրական դասարանների ուսուցիչների, ինչպես նաև կրտսեր դպրոցականների կրթադաստիարակչական հիմնախնդիրներով զբաղվող մասնագետների համար: Ձեռնարկից կարող են օգտվել նաև V-VI դասարաններում «Մայերենի» առարկան դասավանդող ուսուցիչները, քանի որ կրթության այս օղակում ևս մայրենիի դասը համակցված է և կազմակերպվում է բացառապես ընթերցանության մեթոդով:
Ձեռնարկը բովանդակում է նախադպրոցական տարիքի երեխաների խոսքի ընդհանուր զարգացման աշխատանքների գործնական առաջադրանքներ և պարապմունքների նմուշօրինակներ: Նախատեսված է լոգոպեդների, դաստիարակների, ծնողների, ինչպես նաև երեխաների կրթության և զարգացման գործում շահագրգիռ այլ մասնագետների համար:
“Նախադպրոցական հաստատության կառավարումը” մեթոդական ձեռնարկը հասցեագրված է մանկավարժական մասնագիտական հաստատությունների դասախոսներին և ուսուցիչներին, կադրեր պատրաստող և վերապատրաստող կազմակերպիչներին և ղեկավար աշխատողներին, դաստիարակներին, ինչպես նաև նրանց, ովքեր նախաձեռնում են հիմնադրել նոր հաստատություն: Ձեռնարկում ներկայացված է մանկավարժական գործունեության նորացման գործընթացը ժամանակակից նախադպրոցական հաստատությունում:
Ուսումնամեթոդական ձեռնարկը նախատեսված է նախադպրոցական հաստատությունների դաստիարակների, մանկավարժների, ինչպես նաև «Նախադպրոցական կրթություն» մասնագիտության որակավորում ունեցող բուհական և միջին մասնագիտական հաստատությունների ուսանողների համար: Գիրքը կարող է օգտակար լինել նաև ծնողներին:
“Նախադպրոցական կրթական համակարգում մանկավարժական գնահատումը” մեթոդական ուղեցույցը ծանոթացնում է նախադպրոցականի զարգացման ախտորոշման սկզբունքների և տեխնոլոգիաների, սոցիալական զարգացման մանկավարժական գնահատականի և այլ ժամանակահունչ հիմնախնդիրների պարզաբանմանը:
Մանկապարտեզի կրտսեր 2-րդ խմբի՝ 3-4 տարեկան երեխաների խոսքի զարգացման պարապմունքների սույն ձեռնարկը մշակվել է դաստիարակի համար՝ որպես դաստիարակի սեղանի հիմնական գիրք: Այն կօգնի դաստիարակին՝ ճիշտ պլանավորելու և անցկացնելու 3-4 տարեկանների խոսքի զարգացման պարապմունքները: Ձեռնարկն ունի գործնական ուղղվածություն: Գրքում զետեղված բազմաբնույթ պարապմունքները օրինակելի նմուշներ են, որոնք կօգնեն դաստիարակին՝ մեթոդապես ճիշտ սահմանելու ուսուցման և դաստիարակության նպատակները, որոշելու իրականացման ուղիները, ընտրելու թեմաները՝ առանց սահմանափակելու նրա ստեղծագործական մոտեցումները: Անդրադարձ է արված խոսքի զարգացման ծրագրային բոլոր բաժիններին, և ներկայացված են խոսքի զարգացման խնդիրները լուծելու, դժվարությունները հաղթահարելու տարբեր եղանակներ:
Գրքում ներկայացված են մանկապարտեզում և կրտսեր դպրոցում կիրառելի բազմաբնույթ խաղեր, որոնք կնպաստեն երեխաների ուսումնական գործունեության արդյունավետության բարձրացմանը: Գիրքը նախատեսված է կրթության նշված օղակներում աշխատող մանկավարժների, մանկավարժական բուհերում սովորողների, ինչպես նաև ծնողների համար:
Գրքում տրված են ծնողներին հուզող հարցերի պատասխաններ, որոնց համար հեղինակը դիմել է ոչ միայն իր մանկավարժական փորձին ու գիտելիքներին, այլև փորձառու և գիտակ, ճանաչված մանկավարժների և հոգեբանների, փիլիսոփաների և գրողների, որոնց խոսքը իմաստուն է, համոզիչ, կյանքով և պրակտիկայով արդարացված: Գիրքը նախատեսված է ծնողների, ինչպես նաև մանկավարժների համար:
Մեթոդական ուղեցույցը հասցեագրվում է տարաբնույթ բովանդակությամբ կարճաժամկետ խմբերի հիմնադրմամբ հետաքրքրվող անձանց, մանկավարժներին, ծնողներին: Մանկավարժները գրքում կգտնեն տարբեր խմբերի աշխատանքային ծրագրեր, քարտեր, ցանկեր, ժամանակացույցեր և այլն:
Երգարանում ընդգրկված են բազմաբնույթ՝ կատակային, կերպարային, լիրիկական, դաստիարակչական, ուսուցողական և այլ թեմաներով երգեր, որոնք կարող են նպաստել նախադպրոցական և դպրոցական տարիքի երեխաների արժեքային համակարգի ձևավորմանը: Երգերի հետ տրվում է դրանց գործիքավորման ձայնասկավառակը, որը կօգնի երգերի ուսուցմանը, արտադասարանական միջոցառումների կազմակերպմանը և դյուրին կդարձնի մասնագետների աշխատանքը: Գիրքը հասցեագրված է նախադպրոցական, կրտսեր և միջին տարիքի երեխաներին, ուսուցիչներին, ծնողներին և մանկական երգերով հետաքրքրված բոլոր անձանց:
Ձեռնարկում զետեղված ստեղծագործությունները նպատակամիտված են 5-6 տարեկան երեխաների երաժշտական դաստիարակության խնդիրներին և ընդգրկում են գործունեության բոլոր տեսակները՝ երաժշտության ունկնդրում, երգեցողություն, երաժշտառիթմական շարժում, պարեր և խաղեր: Ձեռնարկը հասցեագրված է նախադպրոցական հաստատությունների ավագ խմբերի, ինչպես նաև դպրոցի նախապատրաստմանն ուղղված կարճաժամկետ փորձնական ծրագրով ընդգրկված խմբերում աշխատող դաստիարակներին և տարրական դասարաններում “Երաժշտություն” առարկան դասավանդող մասնագետներին:
Մանկական երգերի ժողովածուն ուսումնաօժանդակ ձեռնարկ է՝ նախատեսված նախադպրոցական հաստատությունների երաժշտության մասնագետների, կրտսեր դպրոցի ուսուցիչների, ծնողների և մանուկների համար:
Գրքում համակարգված և ամփոփ ձևով ներկայացված են հոգեբանական կոնսուլտացիաներին և հոգեթերապիային բնորոշ ընդհանրական իրողություններն ու հիմնական տեխնիկաները: Մենագրությունը նախատեսված է հոգեբանների, հոգեթերապևտների և սոցիալական աշխատողների համար:
