Նարինե Աբգարյանի «Մանյունյան» դարձել է ամենավաճառված աուդիոգիրքը

Աուդիգրքերի միջազգային հարթակ Storytel-ը հրապարակել է 2021 թվականի հետաքրքիր գրական թոփերը: Տարվա գլխավոր գրքերի ցանկը գլխավոր է Ֆրենկ Հերբերտի «Դյունան», ինչը զարմանալի չէ՝ հաշվի առնելով հաջողված էկրանավորումը: Մանկական աուդիգրքերի ցանկը գլխավոր է Նարինե Աբգարյանի «Մանյունյան»:

Հետաքրքիր է, որ Ֆրենկ Հերբերտի ֆանտաստիկ գրքաշարը երկրորդ հորիզոնական է մղել Յուվալ Նոյ Հարարիի «Sapiens. Մարդկության համառոտ պատմություն» գիրքը, որը գլխավորում է ցանկը վերջին 4 տարիների ընթացքում: Ծառայության գլխավոր խմբագիր Կոնստանտին Միլչինը դա բացատրում է ֆիլմի լույս տեսնելու փաստով, ինչպես նաև նրանով, որ վեպը շատ արդիական է մեր օրերում:

Ցանկի երրորդ և չորրորդ հորիզոնականները բաժին են ընկել Ֆրեդրիկ Բակմանի «Անհանգիստ մարդիկ» և «Ուվեի երկրորդ կյանքը» գրքերին: ԹՈՓ-5-ի մեջ տեղ է գտել նաև Մեթ Հեյգի «Կեսգիշերային գրադարան» գիրքը:

Ամենասիրված ժանրերը շարունակում են մնալ ֆանտաստիկան և ֆենտեզին, ինչպես նաև գեղարվեստական գրականությունը: