Պուկ Տիպուկ

«Պուկ Տիպուկը» մանկական ժամանցային սեղանի խաղ է, որը նախատեսված է 3 տարին լրացած երեխաների և նրանց ընտանիքի անդամների համար։ Խաղը հիմնված է մանկական ուսուցողական ֆիլմաշարի սիրված անիմացված կերպարների վրա և միավորում է խաղը, հեքիաթային միջավայրը և ընտանեկան հաճելի ժամանցը։

Խաղում ներառված են 5 հայտնի հերոսները՝ Պուկը, Տիպուկը, Չարուկը, Արջուլինոն և Թիթին։ Խաղային քարտեզի դաշտերով հերոսները առաջ են շարժվում զառի միջոցով, իսկ խաղը դինամիկ ու հետաքրքիր են դարձնում կերպարների համար նախատեսված դրամիկները։

Դրամիկները 5 տեսակի են՝ յուրաքանչյուր կերպարի համար առանձին խորհրդանիշով․

• Պուկ — խնձոր

• Տիպուկ — խաղող

• Չարուկ — սրվակ

• Արջուլինո — մեղր

• Թիթի — թիթեռ

Խաղի սկզբում յուրաքանչյուր մասնակից ստանում է իր 20 դրամիկները, և խաղը սկսվում է ամենափոքր մասնակցից՝ տարիքային աճման կարգով։ Քարտեզի վրա կան տարբեր դաշտեր, որոնք կարող են տալ առավելություն կամ պահանջել վճարում դրամիկներով։ Եթե դրամիկները սպառվել են, մասնակիցը կատարում է տվյալ դաշտում նշված տուգանային առաջադրանքը։

«Պուկ Տիպուկը» զարգացնում է՝

• թվային մտածողությունը և հաշվելու հմտությունները,

• ուշադրությունն ու հերթականությանը հետևելը,

• հաղթահարելու և որոշումներ կայացնելու կարողությունը,

• սոցիալական հմտությունները և առողջ մրցակցությունը։

Խաղը հաղթում է այն հերոսը, որը առաջինն է հասնում ավարտ դաշտին։ Նույնիսկ այն դեպքում, երբ վերջին զառի նետումը գերազանցում է անհրաժեշտ քայլերի քանակը, մասնակիցը համարվում է հաղթող։

«Պուկ Տիպուկը» իդեալական է ընտանեկան խաղային երեկոների, փոքրիկների առաջին սեղանի խաղերի և համատեղ ուրախ ժամանակ անցկացնելու համար։