Պլաստիլին #XAXALOVE. 14հ

Ինչպես խաղալ՝
 Նախ և առաջ երեխային հարկավոր է սովորեցնել պլաստիլինի հետ վարվելու ամենապարզ շարժումները՝
 բութ մատով և ցուցամատով փոքրիկ կտորներ պոկել,
 սեղմել պլաստիլինը բռունցքի մեջ,
 ցուցամատով փոքրիկ կտորներ պոկել՝ սեղանի վրայով գլորելով, որպեսզի փոքրիկ գնդակներ ստացվեն,
 երկու ձեռքերի ափերի օգնությամբ գնդակ պատրաստել (եթե երեխան դժվարանում է կատարել, ապա կարող եք Ձեր ձեռքով և նրա ձեռքով միասին պատրաստել),
 ցուցամատով սեղմել և հետքեր թողնել պլաստիլինի վրա։
 Մանր մոտորիկան զարգացնելու համար երեխային սովորեցրեք տարրական մարմիններ պատրաստել (գնդակ, գլանաձև կտորներ, տափակ և ուռուցիկ մարմիններ):
 Երեխայի հետ պատրաստեք իր սիրելի հեքիաթի կամ մուլտֆիլմի հերոսներին:
 Երեխայի հետ պատրաստեք մի կենդանի, ապա խնդրեք, որ երեխան պլաստիլինից պատրաստված ուտելիքներով կերակրի այդ կենդանուն՝ կտորները վերջինիս կպցնելու միջոցով։ Այսպիսով երեխան կտեսնի, որ կենդանին սնվելով (ինչպես նաև՝ մենք) մեծանում և ուժեղանում է:
 Համադրեք պլաստիլինի գույները և ստացեք նոր գույներ:
 Պլաստիլինից մարդուկ պատրաստեք: Մարմինը և գլուխը պատրաստելուց հետո թույլ տվեք երեխային ստեղծագործել սեփական երևակայությամբ։
 Պլաստիլինի մեջ որևէ բան թաքցրեք և խնդրեք երեխային գտնել այն:
 Թղթի վրա որևէ պատկեր նկարեք, որոշ մարմիններ պատրաստեք պլաստիլինից և օգնեք երեխային, որ փակցնի դրանք թղթին: Օրինակ՝ կարող եք ծառ նկարել և խնդրել, որ փոքրիկ գնդիկները, որպես խնձորներ, փակցնի ծառի վրա: