Նրանք հինգն են՝ Պուկը, Տիպուկը, Արջուլինոն, Թիթին ու նույնիսկ Չարուկը կախարդական այս գրքի ծիծաղաշարժ հերոսներն են։ Պուկը մի քիչ վախկոտ, մի քիչ ամաչկոտ ու միշտ հայտնվում է ինչ-որ պատմությունների մեջ: Տիպուկն էլ խորամանակ, ինքնահավան, բայց բարի աղվես է: Անբաժան ընկերներ Պուկն ու Տիպուկը պատմում են ընկերության, անտառի կյանքի մասին, օգնում են փոքրիկներին տարբերել չարն ու բարին, սիրել ու հոգ տանել հարազատների մասին: Մանկական ուսուցողական զվարճապատում՝ անտառի բնակիչների արկածների մասին:
Հեքիաթ-վիպակ երկու չար, բայց չարությունը կորցրած ծեր կախարդների՝ Ծիպիլիի ու Տիմբակայի մասին: Նրանք կորցնում են չարություն անելու ուժը, չեն հանձնվում ու որոշում են վնասել երեք ընկերների ու ապացուցել՝ դեռ չար կախարդներ են: Բայց դա չի հաջողվում։ Երեխաները փրկվում են, վհուկներն էլ դառնում են Ամանորին նվերներ բաժանող բարի կախարդներ։ Գիրքը սկսվում եւ ավարտվում է զարմանահրաշ արկածներով։
Հարմա՛ր տեղավորվեք. տեսեք, թե մեր սիրուն գիրքը ձեզ Բելի մասին երկու ի՜նչ գրավիչ պատմություն է առաջարկում, դրանց հետ՝ գեղեցիկ ակնազարդ վզնոց: Չենք կասկածում. գրքույկը բոլոր փոքրիկ արքայադուստրերի գանձը կդառնա, որ կփայփայեք ողջ կյանքի ընթացքում:
Հարմա՛ր տեղավորվեք. տեսեք, թե մեր սիրուն գիրքը ձեզ Արիելի մասին երկու ի՜նչ գրավիչ պատմություն է առաջարկում, դրանց հետ՝ գեղեցիկ ակնազարդ վզնոց: Չենք կասկածում. գրքույկը բոլոր փոքրիկ արքայադուստրերի գանձը կդառնա, որ կփայփայեք ողջ կյանքի ընթացքում:
Երեխաների քանի՜ սերունդ է հիացել Դիսնեյի ֆիլմերով։ Դրանց հիման վրա ստեղծված այս հեքիաթաշարը հնարավորություն է տալիս հրաշալի հավաքածու ստեղծելու ու հետո ամբողջ կյանքի ընթացքում փայփայելու համար։ Չար հորեղբայր Սպին Սիմբային վռնդում է առյուծների երկրից, որ էլ երբեք հետ չգա: Բայց հին ընկերները գտնում են նրան: Ժամանակն է, որ Սիմբան իր հասանլեիքը հետ բերի:
Հենց որ Զանգակը հատում է խորհրդավոր Ձմռան անտառի սահմանը, թևիկները սկսում են տարօրինակ կայծկլտալ։ Պատճառը պարզելու համար նա անտառի խորքն է գնում։ Հանկարծ նրա հետաքրքրասիրությունը Պարիկների խորշի համար փորձանք չդառնա՞…
Ֆլին Ռայդերի հետ ծանոթանալով՝ Ռապունցելը մտածում է, որ վերջապես իր երազանքը կիրականանա, և կկարողանա տեսնել գիշերվա երկնքում լողացող լուսավառ լապտերները։ Տեսնես՝ ի՞նչ լապտերներ են, ինչու՞ են հայտնվում տարին միայն մեկ անգամ՝ իր ծննդյան օրը։
Դե գործի անցեք: Գրքույկը բացեք, միացե՛ք Սարդ Մարդու և մյուս խիզախ հերոսների ոստայնապանծ- փառապանծ արկածներին: Սարսռացե՜ք, փշաքաղվե՜ք, տեսեք, թե ոնց են աշխարհը չարագործներից փրկելու…
Մի տարօրինակ ձայն կանչում է Էլսային, և նա Աննայի, Քրիսթոֆի, Օլաֆի ու Սվենի հետ գնում է ձայնի հետևից։ Կախարդված անտառում նրանք իրենց սպասածից շատ ավելին են գտնում։
Փոքրիկ Բոնին Եղանիկ անունով խաղալիք է սարքում, ու սա Վուդիի և ընկերների համար իսկական փորձանք է դառնում։ Դեռ ինչքա՞ն պիտի անցնի, որ պստիկ գդալաքաղը սովորի խաղալիք լինել։
«Բոլորիս Ալենի հեքիաթները» գրքում զետեղված են կախարդական և ուսուցողական պատմություններ, որոնք Արցախի հերոս Ալեն Մարգարյանը գրել է մանուկ հասակում։ Գրկի՛ր գիրքը և բացահայտի՛ր հերոսների զարմանահրաշ աշխարհը, փորձի՛ր սիրել այն և դառնալ ԱԼԵՆԻ նման ՄԵԾ ԳՐՔԱՍԵՐ։
«Զանգակ» գրատունը 2022 թ. կազմակերպեց Մանկական գրքի առաջին փառատոնը՝ նպատակ ունենալով երեխաներին համախմբելու գրքի շուրջը։ Ժողովածուում ընդգրկվել են փառատոնի շրջանակում փոքրիկ հեքիաթագիրների ստեղծած և նկարազադած այն հեքիաթները, որոնք լավագույնն են ճանաչվել մրցույթի ժամանակ: Ժողովածուն կազմելիս փոքրիկների հեքիաթները պահպանվել են այնպես, ինչպես նրանք են գրել. չեն խմպագրվել անգամ նկատված անհամապատասխանություններն ու ոճական անհարթությունները:
Փոքրիկ Մուշի, Փսփսիկի ու Լուսունիկի հետաքրքիր ճամփորդությունը երազների աշխարհում: Սարսափելի վթարից հետո փոքրիկ Մուշի մեջ վախ է մտել. նա վախենում է մթությունից, վախենում է, որ այլևս չի կարողանա քայլել, վախենում է կորցնել հայրիկին և այլևս երբեք չվերադառնալ իր նախկին կյանքին։ Բայց մի բարի օր, ավելի շուտ՝ մի բարի գիշեր, երբ նա, վերմակի տակ ծածկված, փորձում է թաքնվել իր այդ վախերից, մի զարմանալի հյուր է այցելում նրան։ Տղայի սեփական երազի միջից պատահաբար Արտաշխարհ վայր ընկած փոքրիկ տարօրինակ արարածը՝ Փսփսիկը, աղերսում է փրկել իրեն և վերադարձնել իր հայրենի Ներաշխարհ։ Տղան Փսփսիկի օգնությամբ վերագտնում է իր մոռացված ընկերոջը՝ Լուսունիկին, որի ուղեկցությամբ տարօրինակ եռյակը...
Պարոն Աղավնին իր ճռճռան բեռնասայլով երջանկություն է վաճառում։ Ամեն մեկը գնում է այքան, որքան իրեն անհրաժեշտ է։ Իսկ թե քեզ որքան է անհրաժեշտ, կիմանաս հեքիաթն ընթերցելիս։
Թագավորն անհոգ ապրում է խավարում, մինչև մի անբացատրելի ձայն խախտում է նրա անդորրն ու հանգիստ չի տալիս: Ի վերջո, նա որոշում է հաղթահարել վախը, բացել դղյակի դուռը և դուրս գալ Խավարից: Այսպես նա բացահայտում է լույսը և գտնում խավարի ու լույսի ներդաշնակությունը: Պատմությունը վախը հաղթահարելու, հարմարավետության սահմաններից դուրս նայելու, երևույթների երկակիությունը հասկանալու մասին է: Նախատեսված է 3-8 տարեկանների համար: Այն ծնող-երեխա ժամանցի հրաշալի ձև է, խրատներ փոխանցելու անփոխարինելի գործիք: Ստեղծագործությունը հարցեր է առաջացնում և դրանք միասին քննարկելու հնարավորություն տալիս:
Եվգենի Շվարցի հռչակավոր գործերի այս ժողովածուն ընդգրկում է չորս հեքիաթ՝ «Մերկ թագավորը» (1934), «Ստվերը» (1940,բեմադրությունն առաջնախաղից հետո արգելվել է), «Վիշապը» (1944, առաջնախաղից հետո պիեսի վրա դրված արգելքը հանվել է միայն 1962-ին), «Սովորական հրաշք» (1954): Բոլոր պիեսներն էլ, որոնք առաջին անգամ են հրատարակվում հայերեն, այլաբանական հանդերձանքով ներկայացնում են մշտապես արդիական թեմաներ՝ բնավ չհնանալով:
«Փիթեր Փենը» կամ «Փիթերը և Ուենդին» շոտլանդացի գրող Ջեյմս Մեթյու Բարրիի վիպակներից է, որը լույս է տեսել 1911 թ. և հետագայում դարձել մանկական գրականության գլուխգործոցներից մեկը: Վիպակ-հեքիաթը Փիթեր անունով մի տղայի մասին է, որը չէր ուզում մեծանալ: Մի անգամ թռչելով Դարլինգների մանկասենյակի պատուհանից ներս՝ նա ծանոթանում է Ուենդիի հետ և համոզում նրան ու նրա 2 եղբայրներին իր հետ թռչել Չկաստան՝ կղզի, որի վրա կարող են ոտք դնել միայն երեխաները: Իսկ կղզու վրա բազմաթիվ արկածներ են սպասում նրանց: Փիթերին հանդիպած բոլոր երեխաները, ի վերջո, մեծանում են, իսկ նա համառորեն հրաժարվում է մեծանալուց: Վիքիպեդիա, Goodreads
Ամերիկացի ճանաչված գրող Էլվին Բրուքս Ուայթի «Շարլոթի սարդոստայնը» վիպակը ամերիկյան մանկական գրականության ամենասիրված ու հանրաճանաչ ստեղծագործություններից է։ Այն առաջին անգամ հրատարակվել է 1952 թվականին։ Գիրքը պատմում է Զաքերմանների ընտանիքին պատկանող անասնագոմում կողք կողքի ապրող կենդանիների մասին։ Գրքի հասցեատերը և՛ մանուկներն են, և՛ ավագ ընթերցողները։ Ստեղծագործությունն էկրանավորվել է երկու անգամ, մուլտիպլիկացիոն տարբերակը ստացել է շարունակություն` «Շարլոտայի սարդոստայնը. Ուիլբուրի մեծ արկածները», որի սյուժեն նախնական պատմվածքի հետ շատ ընդհանրություններ չունի։ Ուայթի գրքի սյուժեն դարձել է նաև Ռիչարդ և Ռոբերտ Շերմանների նույնանուն մյուզիքլի հիմքը: «Շարլոտայի սարոստայնը» լավ է ընդունվել քննադատների կողմից։ Հատկապես Յուդորա Ուելթին, գրքի մասին գրախոսելով The New York Times-ում, նշում է. «Այն գրեթե կատարյալ...
Ծեր առյուծը, հոգնելով իշխելուց, գալիս է Լվով, գտնում մի գեղեցիկ տուն ու բնակվում այնտեղ: Մի անգամ, հորդառատ անձրևի ժամանակ, բնակարանը վնասվում է և Առյուծն օգնության է կանչում իր ընկերներին՝ բնակարանը վերանորոգելու համար: Ու այստեղ սկսվում են արկածները…
Սնանկացման շեմին հայտնված մի ընտանիքի բախտը բերում է… Մշուշահովիտ կոչվող գյուղի հորաքույրն իր տունը նրանց է կտակել՝ պայմանով, որ ամբողջ ամառն այնտեղ ապրեն: Բայց ընտանիքը քաղաքի հարմար կյանքին է սովոր, ա՛յ քեզ փորձությու՜ն… Էլ չասած, որ գյուղը տարօրինակ մշուշ է պատել. վտանգավոր չլինի՞: Մայրիկը երեխաներին՝ Լիային ու Նոյին խստիվ արգելում է բակի դարպասից դուրս գալ: Մեկ էլ օրերից մի օր Լիան տարօրինակ արարածի է հանդիպում և, Մշուշի հովտի զարմանալի աշխարհը սկսում է բացվել երեխաների առաջ…
«Պանչատանտրա» գիրքը հետաքրքրաշարժ պատմությունների գեղեցիկ պատկերազարդ ժողովածու է, որոնք ընթերցողին սովորեցնում են ողջամտություն, օգնում հասկանալ խարդախներից խուսափելու, արդարամտությունը և ազնվությունը գնահատելու կարևորությունը, և ձևավորում համամարդկային արժեքներ:
Օսկար Ուայլդը ծագումով իռլանդացի բանաստեղծ, գրող, էսսեիստ և քննադատ է, դեկադանսի առավել հայտնի ներկայացուցիչներից և ժամանակի ամենահայտնի թատերագիրներից մեկը։ Ուայլդի ստեղծագործություններին բնորոշ են նուրբ հումորը և յուրօրինակ գեղագիտությունը։ Գրվածքների շարքում առանձին տեղ են գրավում հեքիաթները՝ Երջանիկ Իշխանը, Աստղերից ընկած տղան և ուրիշները։ Դրանք քնարական են, ոճով ու բովանդակությամբ՝ վեհ, զարմանալիորեն գեղեցիկ ու թախծոտ և ընթերցողին առաջարկում են մտորել չարի ու բարու, բարեկամության ու զղջման, կարեկցանքի և նվիրվածության մասին։
Ջեյմս Մեթյու Բարրին Շոտլանդիայի պարծանքն է, մանկական գրականության ամենակատարյալ և հուզիչ կերպարներից մեկի՝ Փիթր Փենի գրական կնքահայրը։ Անմայր ու անտուն տղայի կյանքը Բարրին վերածում է հրաշապատում զրույցի՝ փոքրիկ ընթերցողի համար հմտորեն հյուսելով երազային ու լուսավոր մի պատմություն, որ գրվել է վաղուց՝ ուրախ ու տխուր տարիներ առաջ, մեզնից հեռու մի աշխարհում… Մեկ գավաթ բուրավետ տաք թե՛յ խմեք Քենսինգթոնի զբոսայգում։ Ծեր Շագանակենին Ձեր գավաթի մեջ մի քանի մեղրահամ ծաղկաթերթ կնետի… Լսո՞ւմ եք, Փիթր Փենն է, սքանչելի սաղմոսներ է երգում՝ հյուսած հեռավոր ծովի բույրից, մոլորված խավարի մրմունջից ու դեղին անմոռուկների հուշերից։ Նրա նվագից տրոփում են մատղաշ սոճիների փշապատ սրտերը, բալենին ծաղկաթափ է լինում...