Գրքի առաջին մասում տրված են աշխարհի ժողովուրդների լեզուների դասակարգման, հնդեվրոպական լեզվաընտանիքի, հնդեվրոպական նախալեզվի, հնդկական ընտանիքի և իրանական ճյուղի լեզուների մասին տեղեկություններ: Երկրորդ մասում ներկայացված է պարսից ժողովրդի անցյալը, պարսկերենի պատմությունը և այդ լեզվի քերականությունը: Երրորդ մասը նվիրված է Իրանի ժողովրդի համառոտ պատմությանը հին ժամանակներից մինչև XX դարի սկիզբը:
Գիրքը պարունակում է տեսական բացատրություններ, գործնական առաջադրանքներ և ստուգողական վարժություններ ոճագիտությունից, տեքստագիտությունից և հայոց լեզվի պատմությունից։ Հասցեագրվում է դպրոցի բարձր դասարանների աշակերտներին, բուհի դիմորդներին, ուսանողներին, ինչպես նաև հայոց լեզվի ուսուցիչներին։ Առաջին հրատարակությունը լույս է տեսել 2012 թ.՝ որպես «Հայոց լեզու» ստվարածավալ գրքի մի մաս:
Սույն ձեռնարկը նախատեսված է հայերենի քերականությամբ հետաքրքրվողների, հայոց լեզվի ուսուցիչների, ուսանողների, աշակերտների և հատկապես դիմորդների համար: Հեղինակները ձգտել են ավելի հանգամանալից ու պարզ ներկայացնել շարահյուսության բովանդակությունը՝ հատկապես ուշադրություն դարձնելով օրինակների և վարժությունների բազմազանության և նպատակային որոշակիության վրա:
Սույն գիրքը կօգնի հարստացնելու հայ մանուկների կրթության գործում ուսանողների գիտելիքներն ու կարողությունները: Ձեռնարկում ներկայացված են ոչ միայն գրաճանաչության և կարդալու, գրագետ խոսք կառուցելու (բանավոր և գրավոր) կարողությունների ձևավորման մեթոդները, այլև հայոց լեզվի քերականության տարրական ուսուցման մեթոդիկան: Նախատեսված է մանկավարժական բուհերի` տարրական դպրոցի ուսուցիչներ պատրաստող բաժինների ուսանողների, տարրական դասարանների ուսուցիչների, ինչպես նաև կրտսեր դպրոցականների կրթադաստիարակչական հիմնախնդիրներով զբաղվող մասնագետների համար:
Սույն ուսումնական ձեռնարկը նախատեսված է մանկավարժական բուհերի՝ տարրական դպրոցի ուսուցիչներ պատրաստող բաժինների ուսանողների, տարրական դասարանների ուսուցիչների, ինչպես նաև կրտսեր դպրոցականների կրթադաստիարակչական հիմնախնդիրներով զբաղվող մասնագետների համար: Ձեռնարկից կարող են օգտվել նաև V-VI դասարաններում «Մայերենի» առարկան դասավանդող ուսուցիչները, քանի որ կրթության այս օղակում ևս մայրենիի դասը համակցված է և կազմակերպվում է բացառապես ընթերցանության մեթոդով:
Դասագիրքը նախատեսված է բուհերի այն ուսանողների համար, ովքեր ուսումնասիրում են անգլերենը որպես երկրորդ մասնագիտություն, ինչպես նաև ոչ մասնագիտական ֆակուլտետների ուսանողների համար: Դասագիրքը հնարավորություն է տալիս ոչ միայն տիրապետել անգլերենի հիմնական կառուցվածքներին և բառապաշարին, այլև ձեռք բերել այդ լեզվով հաղորդակցվելու հմտություններ:
Գիրքը պարունակում է տեսական բացատրություններ, գործնական առաջադրանքներ և ստուգողական վարժություններ հայոց լեզվի շարահյուսությունից: Հասցեագրվում է դպրոցի բարձր դասարանների աշակերտներին և մանկավարժներին:
Գիրքը պարունակում է տեսական բացատրություններ, գործնական առաջադրանքներ և ստուգողական վարժություններ հայոց լեզվի ձևաբանությունից: Հասցեագրվում է դպրոցի բարձր դասարանների աշակերտներին և մանկավարժներին:
Գիրքը պարունակում է տեսական բացատրություններ, գործնական առաջադրանքներ և ստուգողական վարժություններ հայոց լեզվի հնչյունաբանությունից, ուղղախոսությունից, ուղղագրությունից: Հասցեագրվում է դպրոցի բարձր դասարանների աշակերտներին:
Գրքում ներկայացված են արդի հայերենի կետադրության ընդհանուր կանոնները: Շարադրված են կետադրական նշանների կիրառության գրեթե բոլոր այն տարբերակները, որոնք հաճախակի են հանդիպում գործնական գրավոր խոսքում: Գիրքը «Դպրոցական մատենաշարի» «Շարահյուսություն» գրքում (2015 թ.) տեղ գտած «Կետադրություն» բաժնի ավելի ընդարձակ և թարմացված տարբերակն է՝ առավելապես նոր օրինակներով, առանց ներքին հղումների և վարժությունների: Նախատեսված է բոլոր նրանց համար, ովքեր հաճախ են գրավոր հաղորդակցվում և հետաքրքրված են հայերենի կետադրությամբ:
Գիրքը պարունակում է տեսական բացատրություններ, գործնական առաջադրանքներ և ստուգողական վարժություններ հայոց լեզվի բառագիտությունից: Հասցեագրվում է դպրոցի բարձր դասարանների աշակերտներին:
Գոյություն ունեն խոսքի զարգացման տարբեր հայեցակարգային մոտեցումներով ստեղծված ծրագրեր և ձեռնարկներ, որոնց հիմքում հիմնականում ընկած են խոսքի բաղադրիչները՝ բառապաշար, քերականություն, խոսք կառուցելու կարողություն: Սակայն գաղտնիք չէ՝ կարելի է ունենալ հարուստ բառապաշար, իմանալ տվյալ լեզվի քերականությունը, հրաշալի տիրապետել խոսք կառուցելու կանոններին, սակայն չունենալ գրագետ, տպավորիչ, համոզիչ, արտահայտիչ խոսք, եթե չունենանք հարուստ, բազմակողմանի զարգացած ներաշխարհ և հաղորդակցվելու ցանկություն: Այս ձեռնարկի ստեղծման հայեցակարգը հենված է այդ դիրքորոշման վրա. ստեղծել խոսելու, մտքեր արտահայտելու, դատողություններ անելու, բանավիճելու ցանկություն և հնարավորություն, այսինքն ստեղծել խոսքային գործունեություն ծավալելու համար անհրաժեշտ պայմաններ:
Գրքում բերված լեզվագործածության սխալներն ուղեկցվում են համապատասխան մեկնաբանություններով: Գործնական առաջադրանքները սխալի ճանաչման, ճիշտ տարբերակի ընտրության, դրա կիրառման նպատակ ունեն: Գիրքը հնարավորություն կընձեռի հաղթահարելու գրավոր և բանավոր խոսքում տարածված լեզվական սխալները: Այն իր գործնական ուղղվածությամբ կարող է օգտակար լինել բոլոր նրանց, ովքեր ցանկանում են նվազագույնի հասցնել իրենց խոսքում առկա լեզվական սխալները:
Դասագիրքն ընդգրկում է լատիներենի հնչյունաբանությունը և ձևաբանությունը, իսկ շարահյուսությունը ուսուցանվում է բնագրային օրինակների հիման վրա: Ուսուցումն ընթանում է հետևյալ ձևով. գիտելիք, բնագրային հատվածներ, վարժություններ, առաջադրանքներ և հարցեր: Դասագիրքն ընդգրկում է նաև «Լատիներեն-հայերեն բառարան», ինչպես նաև «Թևավոր խոսքեր» բաժինները: Ուսուցումը տեղի է ունենում աստիճանականության սկզբունքով: Գիրքը նախատեսվում է բուհերի հումանիտար և բնագիտական մասնագիտությունների ուսանողների համար:
Հեղինակն արվեստի, աշխարհագրության, երաժշտության, առած-ասացվածքների և այլ հետաքրքիր միջոցներով ու եղանակներով փորձում է զարգացնել ընթերցողի տրամաբանությունը, հարստացնել և ամրապնդել գիտելիքներն անգլերենի ոլորտում: Ձեռնարկի բովանդակությունը համապատասխանում է առարկայի պետական չափորոշչին և ծրագրին:
Ձեռնարկը նախատեսված է առաջին կուրսի ուսանողների համար, պարունակում է ժամանակակից հայոց լեզվի դասընթացի երեք բաժին՝ հնչյունաբանություն, ուղղախոսություն, ուղղագրություն, որոնք գործնական կարեւոր նշանակություն ունեն:
Թելադրության նյութերի սույն ժողովածուն նախատեսված է ուսումնական տարբեր հաստատություններում (բուհերում, ուսումնարաններում, ավագ դպրոցում) հայերենի ուղղագրության ու կետադրության գործնական իմացության մակարդակի ընթացիկ ու ամփոփիչ ստուգումների համար: Լեզվական զուգաձևությունների հաշվառման և սխալների հաշվարկի վերաբերյալ ցուցումների շնորհիվ գիրքը օգտակար կարող է լինել ուսուցիչներին և դասախոսներին: Ժողովածուն հարմար ձեռնարկ է նաև իրենց գրագիտությունը ինքնուրույն կերպով անհրաժեշտ մակարդակի բարձրացնել ցանկացողների համար:
Ձեռնարկում զետեղված նյութերը դասակարգված են պարզից բարդ սկզբունքով և հիմնականում ընդգրկում են ծրագրային թեմաների, ինչպես նաև տնային ընթերցանության բառապաշարը: Գրքում կան հավելվածներ, որտեղ ներկայացված են միևնույն բառի գրության բրիտանական և ամերիկյան տարբերակները, համր բաղաձայն պարունակող բառերը, ինչպես նաև երկու զուգահեռ ձև ունեցող անկանոն բայերը: Ձեռնարկը նախատեսված է անգլիական բանասիրության և անգլերենը որպես երկրորդ օտար լեզու ուսումնասիրող ուսանողների համար:
Ուսումնական ձեռնարկը բաղկացած է երկու բաժնից: Յուրաքանչյուր բաժնում ներառվել են բազմաբնույթ թեմաներ, որոնք արտացոլում են հասարակության զարգացման ամենաարդիական ոլորտներին առնչվող այնպիսի բնագավառներ, ինչպիսին են քաղաքականությունը, իրավունքը, բնապահպանությունը, առողջապահությունը, կրթությունը, գիտությունը, բիզնեսը և ֆինանսները, թարգմանչական գործունեությունը: Նախատեսված է թարգմանչի մասնագիտությունն ընտրած ուսանողների, ինչպես նաև ընթերցողների ավելի լայն շրջանակի համար:
Գրքում ներկայացվում են գրաբարի հնչյունաբանությունը, ձեւաբանությունը եւ շարահյուսությունը: Ուսուցումը ընթանում է հեղինակի կողմից մշակված միանգամայն նոր մեթոդիկայով: Ինքնուսույցը նախատեսված է աշակերտների, ուսանողների, ուսուցիչների եւ առհասարակ նրանց համար, ովքեր ցանկանում են դյուրին եղանակով սովորել հին հեյերեն (գրաբար) լեզուն:
