Ճանաչիր նկարն ու նկարչին

«Ճանաչիր նկարը և նկարչին» խաղ-լոտոն կրթական և զվարճալի խաղ է, որը նախատեսված է երեխաներին խաղի միջոցով ծանոթացնելու Հայաստանի ազգային պատկերասրահի արվեստի նմուշներին։ Այն համադրում է հաճելի ժամանցը և մշակութային կրթությունը՝ զարգացնելով երեխաների գեղարվեստական ճաշակը և տեսողական հիշողությունը։

Խաղի ընթացքում երեխաները դիտարկում են նկարները, սովորում ճանաչել դրանք, կապել նկարը՝ հեղինակին, և աստիճանաբար խորացնում իրենց պատկերացումները հայկական կերպարվեստի մասին։ Խաղը նպաստում է վիզուալ ընկալման, ուշադրության, հիշողության և ասոցատիվ մտածողության զարգացմանը։

Տուփի մեջ ներառված է

• 10 ուղղանկյուն խաղատախտակ

• 80 քարտ

• 1 պարկ

• տեղեկատվական գրքույկ՝ խաղում ներկայացված նկարների և հեղինակների մասին

Խաղի և հաճելի ժամանցի միջոցով երեխաներին ծանոթացնել Հայաստանի ազգային պատկերասրահի նմուշներին՝

• ամրապնդելով նկար–հեղինակ ասոցացիան,

• զարգացնելով արվեստի նկատմամբ հետաքրքրությունն ու ճանաչողությունը,

• ձևավորելով մշակութային ընկալում և գեղագիտական ճաշակ։

Խաղը հարմար է թե՛ անհատական, թե՛ խմբային խաղի համար։

• Տարիք՝ 6+

• Մասնակիցների թիվը՝ 1–10

«Ճանաչիր նկարը և նկարչին» խաղ-լոտոն իդեալական է ընտանիքների, դպրոցների, արվեստի խմբակների և թանգարանային միջավայրի համար։