Մարսյան քրոնիկոնը 1950 թվականին հրատարակված գիտաֆանտաստիկ վեպ-պատվածաշար է: Հեղինակն այն նվիրել է կնոջը՝ Մարգարետին: Վեպում ներկայացվում է, թե ինչպես են հետզհետե ոչնչացող և քայքայվող Երկիր մոլորակից մարդիկ մեկնում Մարս և գաղութացնում այն, և թե ինչպես է զարգանում բնիկ մարսեցիների և նոր գաղութատեր երկրացիների միջև հակամարտությունը: Գիրքը միջանկյալ տեղ է զբաղեցնում պատվածաշար և էպիզոդիկ վեպ ժանրերի միջև: Այստեղ զետեղված են նաև Բրեդբըրիի՝ դեռևս 1940-ականների վերջին գիտաֆանտաստիկ ամսագրերում հրատարակված պատմվածքները: Վերջիններս հեղինակի՝ նույն թեմային առնչվող նոր պատմվածքների հետ ի մի են բերվել՝ որպես մեկ ամբողջական գիրք հրատարակվելու համար: Վիքիպեդիա
Երիտասարդ տարիքում դու շատ հնարավորություններ ունես: Կարող ես դառնալ Էնշտեյն, կամ Մոցարտ, կամ էլ սպորտի աստղ… Տարիքի հետ «կարող եք» արտահատյությունը փոխվում են «կարո էի»-ի: Դու հասկանում ես, որ չես դարձել ոչ Էնշտեյն, ոչ Մոցարտ, ոչ էլ այլ մարդ: Իսկ ի՞նչ, եթե հասուն մարդուն, ով կյանքում ոչնչի չի հասել, հնարավորություն է տրվում ամեն ինչ նորից սկսել: Արդյո՞ք նա կրկնի իր սխալները, թե՞ հաջողության կհասնի:
Պատմությունը սկսվում է շրջիկ գործակալ Գրեգոր Զամզայի մասին պատմությամբ, ով, առավոտյան արթնանալով, պարզում է, որ կերպարանափոխվել է՝ մետամորֆոզի է ենթարկվել, և վերածվել է մեծ, հրեշային ուտիճի։ Զամզայի կերպարանափոխության պատճառը երբեք հայտի չդարձավ, Կաֆկան երբեք բացատրություն չտվեց։ Նովելի մնացած մասում ներկայացվում են Զամզայի՝ իր նոր կյանքին և տեսքին ադապտացման փորձերը, ինչպես նաև Զամզայի մոր, հոր և քրոջ զարմացած, վախեցած վերաբերմունքի արտահայտումները։ Համարվել է 20-րդ դարի ամենաօրիգինալ աշխատություններից մեկը, որն ուսումնասիրվել է Արևմտյան կիսագնդի բազմաթիվ համալսարաններում և քոլեջներում: Վիքիպեդիա
Այս գիրքը կարդալու 5 պատճառ՝ Ռիք Ռիորդանի ամենահայտնի գրքի շարքերից մեկն է, որը երկար ժամանակ չի լքել New York Times-ի բեսթսելլերների ցանկը, ընթերցողի առաջ բացվում է սկանդինավյան աստվածների աշխարհը, գրքում շատ մեծ քանակությամբ հումոր, սյուժե անկանկատեսելի զարգացումներ: Գիրքը լարված է պահում մինչև վերջին էջը: Գիտեի՞ք, որ Տոռ աստվածը սիրում է հեռուստացույց դիել: Իսկ որ նրա օգնականներից մեկը հաճախում է հոգեբանի մո՞տ: Գրքում կարող եք շատ ավելի հետաքրքիր «փաստեր» գտնել աստվածների մասին:
Երկարամյա աշխատանքից հոգնած լրտես Ալեք Լիմասը թոշակի է անցնում: Սակայն նրա ղեկավարը որոշում է, որ նա դեռ պետք է վերջին գործն անի մինչ հեռանալը, և ուղարկում է Ալեքին Արևելյան Գերմանիա՝ այնտեղի հետախուզության սպայի մասին սուտ տեղեկություններ տարածելու: Կարո՞ղ է արդյոք լրտեսն ավարտել իր գործն ու անցնել վաստակած հանգստի՞, թե՞ վրեժի զգացումը նրան հանգիստ չի տա…
Այս գրքում տեղ է գտել Նաբոկովի ոչ գեղարվեստական արձակը՝ հարցազրույցներ, նամակներ տարբեր թերթերի ու ամսագրերի խմբագիրներին, հոդվածներ և այլն: Չնայած նյութերը բավական տարբեր են, բայց նրանք կազմում են ընդհանուր միտք. այս գրքի համար հեղինակն ընտրել և վերամշակել է այն հարցազրույցներն ու հոդվածները, որոնք առավել լավ են ներկայացնում նրան էսթետիկ կրեդոն, որոնցում ինքն առավել լավ է բացահայտված հեղինակ:
Վիկտորիանական Լոնդոնի արվարձաններն ամենահարմար տեղը չեն երիտասարդ աղջնակի համար, ով կորցրել է իր ծնողներին: Սակայն երիտասարդ գող աղջկա կյանքը միանգամից փոխվում է, երբ նա հանդիպում է նկարիչ Ռիչարդ Ռեդկլիֆին: Լիլի Միլինգտոնը (այդպես է նա իրեն անվանում, դառնում է նրա բնորդուհին և մուսան: Ընկերների հետ սիրահարները հայտնվում են Թեմզա գետի ափին գտվնող մի հին տանը, որում անհոգ անցկացնում են 1862 թվականի ամառը: Բայց հանկարծ նրանց երջանկությունն ավարտվում է դժբախտությամբ, որի արդյունքն էլ մի կնոջ մահն ու մյուսի անհետացումը: Կանցնի ավելի քան հարյուր հիսուն տարի, մինչ կգտնվի նկարչի ալբոմն ու լուսանկարչական սարքը, և անցյալի վրա վերջապես լույս կսփռվի:
Գուստավ Կլիմտ ավստրիացի նկարիչ էր, ավստրիական նկարչությունում մոդեռնի հիմնադիրը։ Նրա նկարների հիմնական թեման կնոջ մարմինն է, գործերի մեծ մասն աչքի է ընկնում ակնհայտ էրոտիզմով։ Բացի կերպարային նկարներից, որոնք ընդգրկում են փոխաբերություններ և դիմանկարներ, նա նաև նկարել է բնապատկերներ: «Վիեննական սեցեսիոն» միավորման արվեստագետներից հատկապես Կլիմտն էր ոգեշնչվել ճապոնական արվեստով և դրա մեթոդներով: Ստեղծագործական կյանքի առաջին տարիներին Կլիմտը զբաղվել է ճարտարապետական դեկորացիաներով: Հետագայում, երբ Կլիմտը ձևավորում է իր անձնական ոճը, նրա գործերը խիստ քննադատության առարկա են դառնում և համարվում պոռնոգրաֆիկ: Արդյունքում նա խուսափում է հասարակության շրջանում լինելուց, սակայն «ոսկե շրջանի» նկարները նրան մեծ հռչակ են բերում: Ամբողջովին նկարազարդված այս գրքում տեղ են...
Այս գրքում բերված բոլոր փաստերը զարմանալի են, տարօրինակ, բայց ճշմարիտ: Խելացի նկարազարդումների և համեմատությունների շնորհիվ շատ պարզ կարելի է հասկանալ այն ամենն, ինչ այդքան բարդ ու անհասկանալի է թվում: Գրքում Դուք կարող եք տեսնել գետաձիու բերան՝ բավական մեծ, որպեսզի կուլ տա մեքենա, բեռնատար՝ բավական ուժեղ, որպեսզի տեղափոխի 90 փիղ, կամ մեդուզա, որի երկարությունը գերազանցում է երեք կապույտ կետերի երկարությունը: Իսկ Դուք գիտեի՞ք, որ աշխարհի բոլոր մայրցամաքները կարող են տեղավորվել Խաղաղ օվկիանոսում: Կամ որ աշխարհի բոլոր ծառերը կարող են լցնել Հարավային և Հյուսիսային Ամերիկաները:
Սա անհավատալի պատմություն է շատ դեմքեր և անուններ ունեցող մի մարդու մասին: Նա բացարձակ չարիք է բարի նպատակներով, ով կառավարում է մարդկային ճակատագրեր, ինչպես մարիոնետներ, և կշտանում է նրանց հանդեպ իշխանությամբ, մինչև զոհերը մեկը չի որոշում դեմ գնել նրան… Լարված պատմություն, դինամիկ զարգացող սյուժե, հզոր և մանրամասն նկարագրված կերպարներ, իշխանության արդիական թեմաներ, հաղթանակի տենչ ցանկացած գնով, աֆերա պետական մակարդակով… Այս ամենի շնորհիվ գրքի ընթերցանությունից անհնար է պոկվել:
Սպիտակ Ժանիքի հայրը գայլ էր, իսկ մայրը՝ Կիչին, կիսով չափ գայլ, կիսով չափ շուն։ Նա ծնվել է Հյուսիսային Ծայրամասում և միակ ողջ մնացածն էր ծնվածներից։ Հյուսիսում հաճախ ստիպված էին լինում քաղցած մնալ և դա էլ նրա քույրերի և եղբայրների մահվան պատճառն էր։ Հայրը՝ միաչքանի գայլը, շուտով զոհվում է լուսանի հետ անհավասար մարտում։ Գայլուկը և մայրը մնում են միայնակ։ Աշխարհը լի է անակնկալներով և դեպի ակունքն ընկած ճանապարհին գայլուկը հանդիպում իրեն անհայտ արարածներին՝ մարդկանց։ Պարզվում է նա տեր ունի՝ Մոխրագույն Կուղբը։ Մոխրագույն Կուղբը նորից դառնում է Կիչիի տերը։ Նրան է այժմ պատկանում նաև գայլուկը, որին նա տալիս է Սպիտակ Ժանիք անունը։...
Հղիությունն ամենաճիշտ ժամանակն է ուշադրություն դարձնելու առողջ սնունդին: Այն, ինչ Դուք ուտում եք հղիության շրջանում, մեծապես ազդում է Ձեր և Ձեր փոքրիկի վրա: Այս գրքի շնորհիվ Դուք կիմանաք՝ ինչ սնունդ է հարկավոր օգտագործել, որպեսզի ապահովել առողջ կյանք Ձեր ապագա փոքրիկի համար: Գրքում Դուք կգտնեք մրգերից, բանջարեղենից, մսից, ձկից և այլ հումքից պատրաստվող 100 առողջ ուտեստի բաղադրատոմս:
Գրքի 12 գլուխները ստեղծվել են Դովլաթովի կողմից 1980-ական թվականներին որպես առանձին պատմվածքներ: Հերոսներն իրական մարդիկ են, հենց այդ պատճառով էլ ապագա գրքի անվանումներից մեկը եղել է «Ընտանեկան ալբոմ»: Սա գիրք է, որից հնչում է «Առողջ մտքի ցածր երաժշտությունը» (Ի. Բրոդսկի), որն օգնում է մեզ պահել արժանապատվությունը կյանքի ամենադժվար պահերին:
Երբ Ստեֆան Կորսոյին հանձնարարեցին հետաքննել գիշերային ակումբի երկու աղջիկների սպանությունը, նա կարծում էր, որ դա հերթական սերիական մարդասպանի գործ է: Բայց դետեկտիվը սխալվում էր: Դա դուելի կոչ էր՝ ուղղված անձամբ իրեն: Սպասվում էր մահացու մարտ: Գլխավոր կասկածյալը՝ հանրահայտ նկարիչ Ֆիլիպ Սոբեսկին, ով 17 տարի ազատազրկված է եղել թալանի և սպանության համար, բացարձակ վստահ է իր ալիբիի վրա: Որքան երկարում է հետաքննությունը, այնքան շատ են Կորսոն ու նրա գործընկերներն ընկղմվում սարսափելի աշխարհ, որտեղ դաժան պոռնոգրաֆիան և զոհին կապելու հին ճապոնական արվեստը դեռ ամենևին դաժանության գագաթնակետը չեն: Բայց հնարավո՞ր է արդյոք պահպանել գիտակցությունն ու հոգին, երբ ցավից հաճույք ստանալը թաքնված է հանրահայտ...
Սերգեյ Դովլաթովը 20-րդ դարի և 21-րդ դարասկզբի ամենաընթերցվող ռուս գրողներից է: Նրա պատմվածքները, վեպերը, տետրերը թարգմանվում են բազմաթիվ լեզուներով, էկրանավորվում, ուսուցանվում դպրոցներում և ԲՈՒՀ-երում: Սույն հավաքածուն ներառում է Դովլաթովի մի շարք հանրահայտ պամտվածքներ՝ ծիծաղելի, տխուր և կյանքով լցված, ինչպես վայել է մեծ գրողին:
Շերլոք Հոլմսի մոտ է գալիս մի երիտասարդ աղջիկ՝ Մերի Մորսթենը, որը խնդրում է հետախույզին և բժիշկ Վաթսոնին բացահայտել ամեն տարի իրեն ուղարկվող մարգարիտների գաղտնիքը, և, եթե հնարավոր է, օգնել իրեն՝ 10 տարի առաջ կորած հորը գտնելու գործում։ Քննելով գործը՝ Հոլմսն ու Վաթսոնը պարզում են, որ Մերին և Շոլթո եղբայրները հանդիսանում են ահռելի կարողության՝ գանձի, ժառանգորդներ, որը հայտնաբերվել է իրենց ծնողների կողմից։ Նրանք արդեն պատրաստվում էին բաժանել ժառանգությունը երեք մասի, երբ Շոլթո եղբայրներից մեկը սպանվում է, իսկ գանձերը՝ գողացվում… Վիքիպեդիա
40 տարի անդադար ուսումնասիրությունների արդյունքում Ռիչարդ Կոխը գտել է հիմնավոր սկզբունք, որն ընկած է այնպիսի ընկերությունների հաջողության հիմքում, ինչպիսիք են IKEA-ն, Apple-ը, BCG-ն, Honda-ն, Մակդոնալդսը և Uber-ը: Դա ՊԱՐԶԵՑՈՒՄՆ է: Գրեգ Լոկվուդի հետ նա մշակել է բիզնեսի պարզեցման մի քանի մոդել, որպեսզի բիզնեսը բարձրանա նոր մակարդակի: Այս գրքի շնորհիվ Դուք կարող եք. հասկանալ, ինչպես է պարզեցումն ազդում ընկերության արդյունավետության վրա, ընտրել պարզեցման ռազմավարություն, որը հարմար է Ձեր ընկերության համար, դարձնել Ձեր ապրանքներն ու ծառայություններն ավելի գրավիչ, գտնել նոր հնարավորություններ և շուկաներ, որոնք մինչ այդ չեք դիտարկել, վերաձևել բիզնես-գործընթացներն այնպես, որ ընկերությունը հեղափոխական աճ ունենա:
Մի անգամ գինետնում բնակություն է հաստատում նոր հյուր՝ նախկին ծովային Բիլլի Բոնսը։ Որոշ ժամանակ անց նրան սկսում են այցելել տարօրինակ հյուրեր։ Առաջին հայտնվում է Սև Գամփռ մականունով նախկին ծովահենը՝ Բիլլիի հին ծանոթը։ Նրանք վիճում են Բոնսը վիրավորում է Սև Գամփռին, բայց վերջինս փրկվում է փախուստով։ Այնուհետև Բիլլիին է այցելում կույր, աղքատ Պյուն, որը նրան է փոխանցում Սև նշանը՝ ծովահենների ահարկու նախազգուշացումը առաջնորդներին, որոնք խախտել են թիմի շահերը։ Բիլլին ստանալով նշանը որոշում է անմիջապես լքել այդ վայրը, բայց հանկարծակի մահանում է կաթվածից։ Ջիմ և նրա մայրը, որոնց Բիլլին գումար է պարտք բնակվելու համար խուզարկում են մահացած ծովայինին և նրա իրերը։ Նրա...
Յուկիո Միսիման աշխարհի ամենահայտնի և ընթերցվող ճապոնացի գրողներից է: Նա հայտնի է ինչպես իր բազմաժանր գրականությամբ (վեպեր, պիեսներ, պատմվածքներ, էսսեներ և այլն), այնպես էլ յուրօրինակ կյանքով ու մահով (հարակիրի անհաջող հեղափոխության փորձից հետո): Սույն ստեղծագործությունը հեղինակի ամենավաղ և արժեքավոր աշխատություններից է: Այն ներառվել է Յունեսկոյի ճապոնական գրականության գլուխգործոցների ցանկում: Վեպի գործողությունները տեղի են ունենում Օսակա քաղաքից ոչ հեռու գտնվող մի գյուղում հետպատերազմյան ժամանակաշրջանում: Գլխավոր հերոսուհին՝ երիտասարդ կույս Էցուկոն, գաղտնի կիրք է տածում երիտասարդ այգեպանի հանդեպ…
«Պար վիշապների հետ» վեպի իրադարձությունները լրացնում է չորրորդ հատորի իրադարձությունները, պատմելով հերոսների ճակատագրերի մասին, որոնք չեն եղել «Անգղների խրախճանք»֊ում, իսկ մոտենալով գրքի կեսին հայտնվում են հերոսներ «Խնջույք»֊ից, և զրուցավեպը շարունակվում է։ Լինում են միայն զուգահեռական մասեր, նկարագրելով մի քանի իրադարձություններ, որ նկարագրվել են «Խնջույք»֊ում, բայց ուրիշ հերոսի տեսակետից։ Բացի դրանից, կրկին սկսվում են Երկաթե գահի համար մարտերն, Հյուսիսի ենթարկեցումը և Հյուսիսում Ստանիս Բարատեոնի ծրագրերը՝ Վինտերֆելը գրավելու համար։ «Սառույցի և կրակի երգ» շարքի հինգերորդ վեպը՝ Ջորջ Մարտինի կողմից, որ հրապարակվել է 2011 թվականի հուլիսին։ Ի սկզբանե երբ շարքը հեղինակի կողմից մտածվել է որպես եռերգություն, «Պար վիշապների հետ» անվանումը վերաբերվում էր շարքի...
Վեպի իրադարձությունները ծավալվում են ապագայում, երբ ամերիկյան հասարակության մեջ իշխող մտայնությամբ գրքերը մարդկանց դժբախտության աղբյուր են, և դրանք անխնա կրակի պետք է մատնել: Թաքստոցներում պահվող փոքրաթիվ գրքերը հայտնաբերվում ու հրապարակայնորեն ոչնչացվում են հատուկ այդ աշխատանքի համար ստեղծված հրկիզողների ջոկատի կողմից: Հրկիզող Գայ Մոնթագն ու նրա կինը՝ Միլդրեդը, ապրում են ժամանցի ու զվարճանքի, հեռուստատեսությամբ քարոզվող սնամեջ հարաբերությունների թմբիրի մեջ մինչ այն պահը, երբ Մոնթագը որոշում է փրկել ու կարդալ գրքերը: Փախուստն անհոգի ու անմիտ իրականությունից մտածելու սովորույթին վերադառնալու միակ ճանապարհն է: Մոնթագը լքում է քաղաքը, որտեղ արդեն իսկ պատերազմ է սկսվել: Գետը նրան տանում է դեպի երկրի խորքը, որտեղ նրան դիմավորում...
«Էկզոտիկ արքայադստրե՞ր»: Ոչ, պարզապես երիտասարդ կանայք Սաուդյան Արաբիայից: Արտաքինից նրանք խստորեն հետևում են շարիաթի օրենքներին, բայց իրականում այդքան էլ չեն տարբերվում արևմտյան հասակակիցներից: Ավանդական տարազների տակ նրանք թաքցնում են ժամանակակից հագուստ, շփվում են համացանցում ու ստանում բարձրագույն կրթություն: Նրանք չեն մերժում տղամարդկանց ուշադրությունն ու հաճախ անգամ տեղի են տալիս: Նրանք հստակ գիտեն՝ ինչ են ցանկանում, և կարող են հասնել իրենց ուզածին ամեն ինչում… Բացի իրական սիրուց: Որովհետև արաբ աղջիկներն իրավունք չունեն ամուսնանալ սիրով: Նրանց համար ամուսին է ընտրում ընտանիքը: Նրանց մնում է միայն հուսալ, որ տեղի կունենա հրաշք, ինչպես «Հազար ու մի գիշեր» հեքիաթում…
