Թատրոնիկ «Պուկ Տիպուկ»

Թատրոնիկ «Պուկ Տիպուկը» ինտերակտիվ սեղանի թատրոն է, որը հնարավորություն է տալիս փոքրիկին դառնալ միաժամանակ ռեժիսոր, դերասան և հանդիսատես։ Թատրոնիկի միջոցով երեխան կարող է բեմադրել միանգամից երկու ուսուցողական ներկայացում՝ «Ամենալավ դեղը» և «Մայրիկի ժպիտը», որոնց հեղինակն է Պուկ Տիպուկ սիրված ֆիլմաշարի համապրոդյուսեր և սցենարիստ Անդրանիկ Իսահակյանը։

Ներկայացումները բեմադրելու համար անհրաժեշտ է սքանավորել տուփի վրա նշված QR կոդը կամ անցնել հղումով, միացնել ձայնագրությունը և հետևել հրահանգներին։ Ձայնային ուղեկցությունը, կերպարների բեմական խոսքը և Թիթիի աջակցությունը փոքրիկին տեղափոխում են Պուկ Տիպուկի հեքիաթային անտառ և օգնում հեշտությամբ կազմակերպել բեմադրությունը։

Սեղանի թատրոնը կոմպակտ բեմ է, որի վրա երեխան կարող է ոչ միայն խաղալ նախապես ձայնագրված ներկայացումները, այլ նաև ստեղծել սեփական պատմությունները, հորինել նոր սյուժեներ և կենդանացնել կերպարները՝ գործի դնելով երևակայությունը։

🎯 Զարգացնող հնարավորություններ

Թատրոնիկը բազմակողմանի զարգացման արդյունավետ միջոց է․

• զարգացնում է խոսքի և լեզվական հմտությունները,

• հարստացնում է բառապաշարը,

• խթանում է տրամաբանական և ստեղծագործական մտածողությունը,

• օգնում է արտահայտել մտքերն ու հույզերը կերպարների երկխոսության միջոցով։

Խաղի ընթացքում երեխաները սովորում են նաև՝

• համագործակցել և կիսվել դերերով,

• լսել և հարգել միմյանց կարծիքը,

• զարգացնել սոցիալական հմտությունները, կարեկցանքն ու թիմային աշխատանքը,

• կառուցողական ձևով լուծել փոքր կոնֆլիկտները։

Թատրոնիկ «Պուկ Տիպուկը» բացում է դռները դեպի երևակայական աշխարհ և ստեղծում է անվտանգ, ստեղծագործական միջավայր, որտեղ երեխան կարող է ազատ արտահայտվել և ինքնուրույն ստեղծել։