Թատրոնիկ «Կարմիր գլխարկը» և «Երեք խոզուկները»

Թատրոնիկ «Կարմիր գլխարկը» և «Երեք խոզուկները» ինտերակտիվ սեղանի թատրոն է, որը հնարավորություն է տալիս փոքրիկին միաժամանակ բեմադրել երկու սիրված ու ճանաչված հեքիաթների հիման վրա ստեղծված ներկայացումներ։ Խաղը երեխաներին տեղափոխում է հեքիաթային աշխարհ՝ դարձնելով նրանց միաժամանակ ռեժիսոր, դերասան և հանդիսատես։

Ներկայացումները բեմադրելու համար անհրաժեշտ է սքանավորել տուփի վրա նշված QR կոդը կամ անցնել հղումով, միացնել ձայնագրությունը և հետևել քայլ առ քայլ հրահանգներին։ Ձայնային ուղեկցությունը և կերպարների բեմական խոսքը օգնում են փոքրիկին հեշտությամբ կողմնորոշվել բեմադրության ընթացքում և խորասուզվել հեքիաթի մթնոլորտի մեջ։

Սեղանի թատրոնը կոմպակտ բեմ է, որի վրա երեխան կարող է ոչ միայն խաղարկել նախապես ձայնագրված ներկայացումները, այլև ստեղծել սեփական պատմությունները, փոխել սյուժեն, հորինել նոր դրվագներ և կենդանացնել կերպարները՝ գործի դնելով երևակայությունը։

🎯 Զարգացնող հնարավորություններ

Թատրոնիկը նպաստում է երեխայի բազմակողմանի զարգացմանը․

• զարգացնում է խոսքի և լեզվական հմտությունները,

• հարստացնում է բառապաշարը,

• խթանում է տրամաբանական և ստեղծագործական մտածողությունը,

• օգնում է արտահայտել մտքերն ու հույզերը կերպարների երկխոսության միջոցով։

Խաղի ընթացքում երեխաները նաև սովորում են՝

• շփվել և համագործակցել,

• կիսվել դերերով և լսել միմյանց,

• հարգել ուրիշների կարծիքը,

• զարգացնել սոցիալական հմտությունները, կարեկցանքն ու թիմային աշխատանքը,

• կառուցողական ձևով լուծել փոքր կոնֆլիկտները։

Թատրոնիկ «Կարմիր գլխարկը» և «Երեք խոզուկները» բացում է դռները դեպի երևակայական աշխարհ՝ ստեղծելով խաղային միջավայր, որտեղ երեխան կարող է ազատ ստեղծել, պատմել և բեմադրել իր ամենահետաքրքիր գաղափարները։