«Պարսկերեն-հայերեն եւ հայերեն-պարսկերեն» բառարանը պարունակում է շուրջ 14 հազար առօրյա գործածվող կարեւորագույն բառեր։ Այն նախատեսված է երկու ժողովուրդների լեզուներն ու մշակույթն ուսումնասիրող ուսանողների եւ գործարարների համար: Աշխատության նպատակը բառարանից օգտվելու մատչելիությունն է։ Այստեղ տեղ են գտել երկու լեզուներում ամեն օր օգտագործվող բառերը, որոնց իմաստը բացատրվում է կարճ ու կոնկրետ։
Հայերեն-արդի եբրայերեն թեմատիկ բառարանն Իսրայելի պետական լեզվին նվիրված առաջին հայալեզու բառարանն է: Այն բաղկացած է ավելի քան 80 թեմայից: Բառարանը պարունակում է թեմատիկ՝ կենցաղայինից ընդհուպ մասնագիտական տարբեր ոլորտներին առնչվող բառապաշար: Բառարանը հասցեագրված է բուհերի արևելագիտական, միջազգային հարաբերությունների ֆակուլտետների ուսանողներին, լեզվաբանությամբ, սեմագիտությամբ զբաղվող գիտանականներին, եբրայերենով հետաքրքրվող բոլոր անհատներին:
«Հայերենի բացատրական բառարան»-ում բացատրված է շուրջ 1000 բառ: Բառերի բացատրությունից բացի հաճախ տրվում են գործածության նմուշներ: Բառարանը մասամբ պատկերազարդ է: Այն օգտակար կլինի տարրական դպրոցի և միջին դասարանների աշակերտներին, ուսուցիչներին, հայերեն խոսող բոլորին առհասարակ:
«Բարեկիրթ հայերենի բառարան»-ը բարեկիրթ խոսքի հայերեն առաջին բառարանն է։ Բառարանում տեղ են գտել արդի հայերենի բարեկիրթ խոսքում հաճախ գործածվող բառերն ու արտահայտությունները՝ բացատրություններով, կիրառության մասին պարզաբանումներով, գեղարվեստական գրականությունից քաղված օրինակներով, խոսքային վարքականոնի մասին խորհուրդներով։ Բառարանն օգտակար կլինի աշակերտներին, նրանց ծնողներին, ուսուցիչներին, հայերեն խոսող բոլորին առհասարակ։
«Հայերենի բառակազմական բառարան»-ը պարունակում է հայերենի 4000-ից ավելի բառերի բառակազմական վերլուծությունը՝ անհրաժեշտ պարզաբանումներով։ Բառարանը մեծապես կնպաստի աշակերտների հայերեն լեզվամտածողությունը զարգացնելուն, գիտելիքները հարստացնելուն և հայոց լեզվի բառապաշարը յուրացնելուն։ Նախատեսված է տարրական դպրոցի և միջին դասարանների աշակերտների համար։
«Օքսֆորդի մանկական հայերեն-անգլերեն պատկերազարդ բառարանը» օտար լեզու սովորելիս բառապաշարը հարստացնելու և գիտելիքներն ընդլայնելու հիանալի միջոց մանուկների համար: ▲ Ավելի քան հազար բառ՝ հայերեն և անգլերեն ▲ Նկար յուրաքանչյուր բառի համար ▲ Բառեր՝ մարդկանց, սպորտի, ժամանցի և կենդանիների մասին ընդգրկուն թեմաներից մինչև շրջակա միջավայր և տիեզերք
Գրքում հայերենի կետադրության մասին գիտելիքները մատուցված են ամենատարբեր տեսանկյուններից։ Դա թույլ է տալիս կետադրության մասին տեղեկությունները որոնել ու գտնել ցանկացած առիթով ու պատրվակով՝ շարադրելիս, սրբագրելիս, խմբագրելիս, կրթվելիս, քննության պատրաստվելիս, ուսուցանելիս, քննելիս, խորհրդատվության ժամանակ, լեզվական կարողություններդ ցուցադրելիս… Այս գիրքը քեզ կօգնի, թե ուզում ես իմանալ՝ * երբ կարիք կա կետադրության, * ո՛ր նշանը ինչի համար է, * ո՛ր դեպքում ինչ նշան է նախընտրելի գործածել, * կետադրական ինչ այլընտրանքներ կան, * նախադասության ո՛ր անդամն ինչպես է տրոհվում, * կետադրական ո՛ր կանոնն ինչ բացառություններ ունի, * ինչպես պետք է կողմնորոշվել շփոթելի դեպքերում, * ինչպես կարելի է խուսափել քննական ծուղակներից, * պատրաստ ես արդյոք...
Բառարանը պարունակում է հայերենի 700-ից ավելի դարձվածք՝ բացատրությամբ, գործածության առանձնահատկությունների մատնանշումով և գեղարվեստական գրականությունից քաղված նմուշներով։ Բառարանը մեծապես կնպաստի աշակերտների հայերեն խոսքը հարստացնելուն և պատկերավոր, արտահայտիչ ու հյութեղ դարձնելուն։ Նախատեսված է տարրական դպրոցի և միջին դասարանների աշակերտների համար։
Հոմանիշների այս բառարանը պարունակում է հոմանիշների 300-ից ավելի շարքերում խմբագրված շուրջ 1300 բառ։ Հոմանիշ բառերը ներկայացվում են իմաստներով, հայ դասական և ժամանակակից գրականությունից քաղված օրինակներով։ Բառարանը մեծապես կնպաստի աշակերտների բառապաշարը հարստացնելուն, հայերեն պատկերավոր և արտահայտիչ խոսք ստեղծելու կարողության ձևավորմանը և զարգացմանը։ Նախատեսված է տարրական դպրոցի և միջին դասարանների աշակերտների համար։
Հոմանիշների սույն բառարանը նախատեսված է ուսումնական տարբեր հաստատությունների (միջին և ավագ դպրոցի, ուսումնարանների, բուհերի) սովորողների և մանկավարժ բանասերների, ինչպես նաև գրողների, թարգմանիչների, լրագրողների, բառարանագիրների համար։ Նրանից կարելի է օգտվել նաև հայերենը որպես օտար լեզու ուսումնասիրելիս։ Բառարանը կարող է ծառայել որպես թե՛ ուսումնական ձեռնարկ, թե՛ քննական հարցարանների կազմման աղբյուր ու չափանիշ։ Սա հարմար ձեռնարկ է նաև իրենց լեզվիմացության մակարդակը ինքնուրույնաբար բարձրացնել ցանկացողների համար։ Բառարանը պարունակում է գրեթե 6200 բառահոդված։
Հականիշների սույն բառարանը նախատեսված է ուսումնական տարբեր հաստատությունների (միջին և ավագ դպրոցի, ուսումնարանների, բուհերի) սովորողների և մանկավարժ բանասերների, ինչպես նաև գրողների, թարգմանիչների, լրագրողների, բառարանագիրների համար։ Նրանից կարելի է օգտվել նաև հայերենը որպես օտար լեզու ուսումնասիրելիս։ Բառարանը կարող է ծառայել որպես թե՛ ուսումնական ձեռնարկ, թե՛ քննական հարցարանների կազմման աղբյուր ու չափանիշ։ Սա հարմար ձեռնարկ է նաև իրենց լեզվիմացության մակարդակը ինքնուրույնաբար բարձրացնել ցանկացողների համար: Բառարանը պարունակում է ավելի քան 4100 բառահոդված։
Գրքում ներկայացվում են արդի հայերենի առավել գործածական և ուսումնական առումով կարևոր դարձվածքները, համանունները, հապավումները՝ անհրաժեշտ բացատրություններով ու վերծանումներով: Գիրքը «Դպրոցական մատենաշարի» «Բառագիտություն» ձեռնարկի առաջին հրատարակության մեջ (2007 թ.) որպես հավելվածներ տեղ գտած բառացանկերի ավելի ընդարձակ և թարմացված տարբերակն է: Այն կարող է ծառայել որպես թե՛ ուսումնական ձեռնարկ, թե՛ քննական հարցարանների կազմման աղբյուր ու չափանիշ։ Հասցեագրվում է դպրոցի բարձր դասարանների աշակերտներին, դիմորդներին, մանկավարժներին և բոլոր նրանց, ովքեր հետաքրքրվում են հայերենի բառապաշարի յուրահատուկ շերտերով: Բառարանը պարունակում է գրեթե 3000 բառահոդված (1200` դարձվածքների, 1100՝ համանունների, 700՝ հապավումների բաժիններում)։
Բառարանում ուղղագրական դժվարություն ունեցող բառերից զատ տրվում են նաև հոմանիշներ, պարզ և բաղադրյալ հատուկ անուններ, տառային հապավումներ, դարձվածքներ՝ հակիրճ բացատրություններով և համառոտ տեղեկություններով: Բառարանի վերջում կա հավելված, որն ընդգրկում է Հայկական լեռնաշխարհի տեղանունները, հայոց թագավորների ու կաթողիկոսների անունները, հայոց դիցարանը և այլն: Բառարանը պարունակում է մոտ 38000 բառարանային միավոր և օգտակար կարող է լինել ինչպես դպրոցականներին, այնպես էլ ուսանողներին, հայոց լեզվի ուսուցիչներին, հայերենով առհասարակ հետաքրքրվող հասարակությանը:
Բառարանը ամփոփ կերպով ներկայացնում է արդի գրական հայերենին բնորոշ կետադրական երևույթները, դրանց հետ առնչվող նշանները և քերականական իրողությունները՝ հակիրճ սահմանումներով և օրինակներով: Ըստ կետադրական երևույթների և նշանների խմբավորված են դպրոցական ծրագրի սահմաններում գործող բոլոր կանոնները՝ իրենց ենթակետերով և բացառություններով: Հատուկ ուշադրության են արժանացված կանոնների խաչաձևման դեպքերը, տարբերակային լուծումները (զուգաձևությունները): Գիրքը կարող է օգտակար լինել մանկավարժներին, ուսանողներին, աշակերտներին, դիմորդներին, լրագրողներին և հայոց լեզուն գործնականում կիրառող այլ մասնագետների, հայոց լեզվով հետաքրքրվող լայն զանգվածներին:
Գիրքը հայերենի հրատարակված առաջին բառակազմական բառարանն է: Պարունակում է մոտ 20.000 բառահոդված, որոնք արտացոլում են ավելի քան 30.000 բառի կազմություն: Հասցեագրվում է դպրոցի միջին և բարձր դասարանների աշակերտներին, ուսանողներին, մանկավարժներին և ընդհանրապես հայերենի բառերի կազմությամբ հետաքրքրվողներին:
Գրքում ներկայացված են այնպիսի պատմական անուններ, ինչպիսիք են Ալեքսանդր Մակեդոնացին, Արիստոտելը, Գրիգոր Տաթևացին, Հուլիոս Կեսարը… Նախատեսված է ընթերցող լայն շրջանակի համար:
Բառարանը պարունակում է արդի բժշկագիտության մեջ հաճախ գործածվող ավելի քան 11000 տերմինների, բառերի և բառակապակցությունների երկլեզվյան թարգմանությունը, տրվում է դրանց բացատրությունը, անհրաժեշտության դեպքում նաև մեկնաբանությունը: Նախատեսված է բժիշկների, բժշկությամբ զբաղվողների, ինչպես նաև ընթերցող լայն շրջանների համար:
«Հայերեն դպրոցական բացատրական բառարանը» հասցեագրված է դպրոցականներին, հայոց լեզվի ուսուցիչներին և ընդհանրապես լայն հասարակայնությանը: Այն տարբերվում է հրապարակում եղած նմանատիպ դպրոցական բառարաններից: Այստեղ տրվում են ոչ միայն բառերի բացատրությունները` նրանց արտահայտած այլևայլ իմաստներով, այլև, որ ամենակարևորն է, յուրաքանչյուր բառ տրված է լեզվական իրողության մեջ գեղարվեստական գրականությունից վերցված համապատասխան օրինակներով, որոնք հեշտացնում են հատկապես բազմիմաստ բառերի ճիշտ ընկալումը: Ունենալով լեզվի դասավանդման տասնյակ տարիների փորձառություն, լավ ճանաչելով դպրոցն ու երեխային՝ հեղինակներն ընտրել են այն բառերը, որոնք բարդ են իրենց տարբեր դրսևորումներով և հանդիպում են դպրոցական դասընթացում, բուհական քննությունների ժամանակ և առհասարակ կյանքում ու կենցաղում:
1993 թվականին լույս տեսած «Մայրենին բոլորի համար» գրքում հեղինակն առաջին անգամ տվեց բառապատկերների շարքեր, որոնք սիրով ընդունվեցին հայոց լեզվի մասնագետների և աշակերտության կողմից: Սկսած այդ ժամանակներից՝ ծագեց բառապատկերների բառարան գրելու միտքը, որը ձգվեց շուրջ 25 տարի: Քաջ գիտակցելով նման բարդ աշխատանքի հետ կապված դժվարությունները՝ հինգ տարի առաջ այդ գործին ձեռնամուխ եղավ հանրությանը հայտնի հմուտ մանկավարժների վերոնշյալ խումբը: Այսօր ձեր սեղանին է նրանց երկարամյա տքնաջան աշխատանքի արդյունքը, որը հասցեագրված է նախ՝ հայոց լեզվի ուսուցիչներին, ապա միջին և բարձր դասարանների աշակերտներին, ինչպես նաև մայրենիով հետաքրքրվող յուրաքանչյուր մարդու: Սույն բառարանը կհեշտացնի ուղղագրության ուսուցման գործընթացը, կզարգացնի սովորողների լեզվական մտածողությունն ու տրամաբանությունը, բառը տեսնելու և...
Առձեռն բառարանահավաքը կազմված է հանրակրթական դպրոցների մանկավարժների և նրանց սաների համար: Նրանք գրքում կգտնեն իրենց հետաքրքրող բառերի իմաստները, բառարմատները, կիմանան առօրյա խոսակցական լեզվում և գրականության մեջ օգտագործվող շատ դարձվածքների իմաստները, ինչպես նաև անձնանունների ծագումն ու իմաստը և բառերի ուղղագրությունը:
